05:39 21 ապրիլի 2021
Ուղիղ եթեր
  • USD521.89
  • GBP729.86
  • EUR629.29
  • RUB6.85
Հասարակություն
Ստանալ կարճ հղումը
164 0 0

Երգչուհին խոստովանել է, որ ինչ-որ ժամանակ ընդհանրապես չէր կարող քննարկել անձնական խնդիրները, բայց հիմա սովորել է հանգիստ վերաբերվել կատարվածին։

ԵՐԵՎԱՆ, 20 մարտի -Sputnik. Ռուս երգչուհի Անաստասիա Ստոցկայան խոստովանել է, որ վաղուց է բաժանվել իր ամուսնուց՝ Սերգեյ Աբգարյանից։ 38-ամյա երգչուհին հայտնել է դա ռուսական ռադիոյով Յուլիա Բարանովսկայի «Все к лучшему» հաղորդման ժամանակ։

Հաղորդավարը հարցրել է, թե համավարակի ընթացքում ինչպես են զարգանում ամուսնու հետ նրա հարաբերությունները։

«Երևի հիմա իմաստ չունի թաքցնել. ամուսինս ու ես արդեն երկուսուկես տարի միասին չենք ապրում», - ասել  է երգչուհին:

Անաստասիան խոստովանել է, որ այդ բաժանումն իր համար բարդ էր։ Ինչ-որ ժամանակ նա ընդհանրապես չէր կարող քննարկել անձնական խնդիրները, բայց հիմա սովորել է հանգիստ վերաբերվել կատարվածին։

Ստոցկայան ընդգծել է, որ իր համար ամենակարևորն այն է, որ Սերգեյը եղել ու մնում է լավ հայր: Բացի այդ, նրանք ամուսնու հետ լավ ընկերներ են մնացել։

«Նա ամեն օր հանդիպում է երեխաների հետ, մեր որդուն շախմատի է տանում։ Նա հայկական ընտանիքից է, որտեղ երեխաներն ու ընտանեկան արժեքները միշտ առաջին տեղում են», – նշել է երգչուհին։

Հիշեցնենք, որ Անաստասիա Ստոցկայան 10 տարի առաջ ամուսնացել էր ռեստորանատեր Սերգեյ Աբգարյանի հետ։ Նրանց որդին՝ Ալեքսանդրը, ծնվել է 2011 թվականին։ Նրանց դուսրտը՝ Վերան, երեք տարեկան է։

Երկու տարի շարունակ ընտանիքն ամառը Հայաստանում է անցկացրել։ Նրանք եղել են Աջմիածնում, Ամբերդում, Սևանում, ինչպես նաև այցելել Հայաստանի այլ տեսարժան վայրեր։ 2018 թվականին զույգն իր երեխաներին մկրտել է հայկական եկեղեցում։

Ստոցկայան ցույց է տվել` ինչպես է մեծացել հայ որդին. բաժանորդները նորից «ոգևորվել են»

Ըստ թեմայի

«Նա ինձ նման չէ». Ստոցկայայի որդուն բարկացնում է, որ իրեն շփոթում են Կիրկորովի տղայի հետ
«Աչքերը` հաղարջի հատիկ». Ստոցկայան ցույց է տվել իր և հայ ամուսնու երեխաների լուսանկարը
«Լուրջ գրքասեր է». ինչ է կարդում Անաստասիա Ստոցկայայի 9-ամյա որդին` Ալեքսանդր Աբգարյանը
թեգերը:
ամուսին, հայ, ամուսնալուծություն, Անաստասիա Ստոցկայա

Գլխավոր թեմաներ