07:46 19 ապրիլի 2021
Ուղիղ եթեր
  • USD522.20
  • GBP719.54
  • EUR625.49
  • RUB6.89
Հասարակություն
Ստանալ կարճ հղումը
50 0 0

Հայաստանի արտգործնախարար Արա Այվազյանը հանդիպել է Արցախի Հանրապետության նախագահ Արայիկ Հարությունյանի հետ:

ԵՐԵՎԱՆ, 25 մարտի - Sputnik. Մարտի 25-ին Հայաստանի արտգործնախարար Արա Այվազյանը հանդիպել է Արցախի Հանրապետության նախագահ Արայիկ Հարությունյանի հետ: Տեղեկությունը հայտնում են արտգործնախարարությունից։

ՀՀ ԱԳ նախարարը և Արցախի նախագահը կարևորել են Հայաստանի և Արցախի կառավարման մարմինների միջև պարբերական շփումները և խորհրդակցությունները` տարածաշրջանում հայության առջև ծառացած խնդիրների համատեղ լուծման նպատակով:

«Հանդիպմանը հանգամանալից անդրադարձ կատարվեց թուրք-ադրբեջանական ագրեսիայի հետևանքով Արցախում ստեղծված հումանիտար և սոցիալ-տնտեսական հետևանքների հաղթահարման, այդ թվում` տեղահանված անձանց կարիքների հասցեագրման ուղղությամբ ձեռնարկվող քայլերին: Այս համատեքստում երկուստեք կարևորվեց տեղում միջազգային մասնագիտացված կառույցների անխոչընդոտ ներգրավվածությունը»,-նշված է հաղորդագրության մեջ:

Նախագահ Հարությունյանը և ԱԳ նախարար Այվազյանը մտքեր են փոխանակել հայ ռազմագերիների և քաղաքացիական պատանդների հայրենադարձման ուղղությամբ ձեռնարկվող քայլերի շուրջ՝ անընդունելի գնահատելով Ադրբեջանի կողմից հումանիտար այս խնդրի անհարկի քաղաքականացումը:

Երկուստեք ընդգծվել է Լեռնային Ղարաբաղի հակամարտության վերջնական քաղաքական լուծման անհրաժեշտությունը ԵԱՀԿ Մինսկի խմբի համանախագահության հովանու ներքո։

ԵԱՀԿ Մինսկի խումբը Բաքվի ու Երևանի հետ քննարկել է Ղարաբաղում տիրող իրավիճակը

Զրուցակիցները շեշտել են իր պատմական հայրենիքում Արցախի ժողովրդի ապրելու և ինքնորոշման իրավունքի ճանաչման անկյունաքարային դերը:

Հավելենք, որ հակառակ հրադադարի վերաբերյալ հայտարարության կետերից մեկում ամրագրված դրույթի՝ Ադրբեջանը մինչ օրս Հայաստանին է վերադարձրել միայն 70 գերիների։ Ըստ ոչ պաշտոնական տվյալների՝ Ադրբեջանում հայ գերիների թիվը հասնում է 300-ի։

Պաշտոնական Բաքուն, սակայն, հայտարարել է, որ ինքը բոլոր գերիներին վերադարձրել է, իսկ իր մոտ գտնվող մյուս քաղաքացիները վարձկան ահաբեկիչներ են։

Ըստ թեմայի

Հայ գերիների նկատմամբ վերաբերմունքը մարդկության դեմ հանցագործություն է. Աննա Նաղդալյան
Տարածաշրջան այցից հետո ԵԱՀԿ Մինսկի խմբի համանախագահները հանդես են եկել հայտարարությամբ
ԼՂ-ում տիրող իրավիճակի մասին Այվազյանը խոսել է Մինսկի խմբի երկրների ներկայացուցիչների հետ
թեգերը:
գերի, Արա Այվազյան, Արայիկ Հարությունյան

Գլխավոր թեմաներ