18:18 13 ապրիլի 2021
Ուղիղ եթեր
  • USD528.10
  • GBP725.35
  • EUR628.49
  • RUB6.83
Հասարակություն
Ստանալ կարճ հղումը
35 0 0

Զինծառայողների հիմնադրամի նախագահ Վարուժան Ավետիքյանն անձամբ ուսումնասիրել է ու համոզվել, որ յուրաքանչյուր հատուցման գործ պահանջում է միջինը 3 ժամ ժամանակ:

ԵՐԵՎԱՆ, 31 մարտի – Sputnik. Արցախյան պատերազմի ընթացքում ու դրանից հետո Զինծառայողների ապահովագրության հիմնադրամը փոխհատուցում է տրամադրել 1671 զոհվածների ընտանիքների: Այս մասին այսօր Facebook-ում հրապարակած հաշվետվության մեջ գրել է հիմնադրամի նախագահ Վարուժան Ավետիքյանը՝ միաժամանակ հայտնելով, որ այսօր այդ թիվը կավելանա ևս 155-ով և կդառնա 1826:

«Այս պահին զոհվածների մասով հիմնադրամում առկա է 1023 գործ, որոնք ուսումնասիրվում են: Կամուրջ ծրագրերի ներքո հատուցել ենք 1329 գործերով: Այսպիսով, վերջին երեք ամսվա մեջ հիմնադրամը հատուցումներ է կատարել ու կատարում 3,155 գործերով, որը կազմում է շաբաթական 250 գործ, մեր կողմից հրապարակայնորեն խոստացված 100 գործերի փոխարեն»,- գրում է Ավետիքյանը:

Նա նաև հայտնում է, որ անձամբ ուսումնասիրել է ու համոզվել, որ յուրաքանչյուր հատուցման գործ պահանջում է միջինը 3 ժամ ժամանակ: Իսկ դա նշանակում է, որ փաստացի` հիմնադրամը երեք ամսվա ընթացքում կատարած աշխատանքի վրա ծախսել է 9465 ժամ կամ 1183 օր:

Ժամանակի մեծ մասը, նրա խոսքով, հատկացվում է օրինական շահառուներին հայտնաբերելու, նույնականացնելու, ամուսնաընտանեկան կապերը ճշգրտելու, բանկային հաշիվները բացելու ու փոխանցումները կատարելու վրա:

Էլի գոհ էի, որ ողջ եմ. Զինվորի տանը 8 տղաներ առաջին անգամ քայլեցին պրոթեզներով

Ավետիքյանը նաև հայտնում է, որ հիմնադրամի աշխատանքն էլ ավելի արդյունավետ դարձնելու համար վճարային ու ծրագրային համակարգերը, ծառայություններն ու բազաները տրանսֆորմացվում են ԿԲ-ից հիմնադրամ:

Պատերազմի ավարտից ավելի քան 4 ամիս անց զինվորական հոսպիտալում դեռ բուժվող զինվորներ կան

Ըստ թեմայի

Զինծառայողների հիմնադրամն արդեն աջակցում է ավելի քան 1 500 ընտանիքի. վճարումների կարգը
ՀՀ բանակի օրը նշելու լավագույն ձևը զինծառայողների հիմնադրամին նվիրաբերություն կատարելն է
Որքան կավելանա «1000 դրամների» հիմնադրամին վճարվող գումարը. Բադասյանը ներկայացրեց թվերը
թեգերը:
ընտանիք, Վիրավոր, հիմնադրամ, Զինվոր

Գլխավոր թեմաներ