ԵՐԵՎԱՆ, 6 ապրիլի - Sputnik. ՀՀ տարածքում կան փակ ավտոճանապարհներ։ Տեղեկությունը հայտնում է ՀՀ արտակարգ իրավիճակների նախարարությունը։
«Փակ են Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և դեպի Քարի լիճ տանող ավտոճանապարհները»,–ասվում է հաղորդագրության մեջ։
Լարսի մասին
Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը փակ է բեռնատար ավտոմեքենաների համար։ Ռուսական կողմում կա մոտ 400 կուտակված բեռնատար ավտոմեքենա:
Հիշեցնենք, որ երեկ` ապրիլի 5–ին «Վերին Լարս» սահմանային անցակետի ճանապարհին ռուսական կողմից մի քանի հազար տրանսպորտային միջոց էր կուտակվել։
Ռուսաստանում Հայաստանի դեսպանատան մաքսային հարցերով կցորդ Արամ Թանանյանը Sputnik Արմենիային հայտնել էր, որ Մցխեթա-Ստեփանծմինդա-Լարս ավտոճանապարհի Գուդաուրի-Կոբի հատվածը մեկ շաբաթից ավելի փակ է եղելմեծ բեռնատարների համար՝ վատ եղանակի պատճառով:
Արդեն մի քանի օր է՝ ճանապարհը բաց է, սակայն հսկիչ-անցագրային կետի մերձակայքում և տարածքում ռուսական կողմից երկար հերթեր են պահպանվում։
Արդիականացումը չի՞ փրկի․ որն է Վերին Լարսի անցակետի խնդրի լուծումը
