07:06 21 ապրիլի 2021
Ուղիղ եթեր
  • USD521.89
  • GBP729.86
  • EUR629.29
  • RUB6.85
Հասարակություն
Ստանալ կարճ հղումը
51 0 0

Հրկիզված մեքենայի տերը մտավախություն ունի, որ ոստիկանները կկոծկեն գործը` «մեղքը բարդելով» մեքենայի անսարքության վրա։

ԵՐԵՎԱՆ, 9 ապրիլի - Sputnik. Այսօր՝ ապրիլի 9-ին, առեղծվածային դեպք է տեղի ունեցել Գեղարքունիքի մարզում։ Ժամը 01։00-ի սահմաններում Արտակարգ իրավիճակների նախարարության փրկարար ծառայության 9-11 օպերատիվ կառավարման կենտրոն ահազանգ է ստացվել, որ Վարդենիս քաղաքի՝ ժողովրդին հայտնի «3-րդ պասյոլոկում»՝ Լեռնագործների փողոցի թիվ 25 շենքի դիմաց, ավտոմեքենա է այրվում։ Տեղեկությունը հայտնում է shamshyan.com-ը։

Կայքի տեղեկացմամբ` դեպքի վայր է ժամանել ԱԻՆ ՓԾ թիվ 34 հրշեջ-փրկարարական ջոկատը՝ 1 մարտական հաշվարկով։

Հրշեջները մարել են Mercedes 600 մակնիշի 64 VV 600 համարանիշի ավտոմեքենայում բռնկված կրակը։ Ահազանգով դեպքի վայր են ժամանել նաև ոստիկանության Վարդենիսի բաժնի օպերատիվ խումբը՝ օրվա պատասխանատու հերթապահի գլխավորությամբ։

Պարզվել է՝ այրվել է ավտոմեքենայի շարժիչի հատվածը՝ ամբողջությամբ, և բեռնախցիկի հատվածը, այն դարձել է ոչ շահագործելի։

Կայքի հետ զրույցում ավտոմեքենայի սեփականատեր Լիլիթ Ադյանը վստահեցրել է, որ դա միտումնավոր է այրվել, ու հիմա Վարդենիսի ոստիկանները փորձում են «սարքել»` իբրև ավտոմեքենան անսարքության հետևանքով այրվել է։

«Դա սուտ է, մեքենայի վրա բենզին են լցրել և այն հրկիզել։ Երջանիկ պատահականությամբ և շնորիվ հրշեջների օպերատիվ գործողությունների՝ կրակը գազաբալոնին չի հասել։ Եթե այն պայթեր, վնասը ոչ միայն ավելի մեծ էր լինելու, այլ նաև հնարավոր է՝ տարածվեր ու վնասեր գազատար խողովակները, քանի որ դրսում՝ ավտոմեքենայի հարևանությամբ, մի քանի թաղամաս սնուցող գազախողովակ է անցնում»,–նշել է մեքենայի տերը։

Նա ասել է, որ նույնիսկ անուններ են տվել, թե ովքեր են հնարավոր հրկիզողները, սակայն ոստիկանները չեն ուզում օբյեկտիվ քննություն կատարել, և եթե այսպես շարունակվի, դիմելու են ՀՀ ոստիկանապետին։

Նշենք, որ փաստի առթիվ ոստիկանության Վարդենիսի բաժնում նյութեր են նախապատրաստվում։ 

Ավտովթար-հրդեհ Երևանում. վարորդը BMW-ով տապալել է հաստաբուն ծառն ու բախվել մեկ այլ ծառի

Ըստ թեմայի

Դիլիջանի ոլորաններում մեքենաների բախման հետևանքով հրդեհ է բռնկվել. տուժածներ կան
ՀԿԵ մանևրային ջերմաքարշի հրդեհի հետևանքով մեքենավարն ու նրա օգնականը չեն տուժել
Հրդեհել են Աբովյանի քաղաքապետի թեկնածուի շտաբի պետի ավտոմեքենան ու տունը. լուսանկարներ
թեգերը:
ՀՀ արտակարգ իրավիճակների նախարարություն (ԱԻՆ), Վարդենիս, ավտոմեքենա, հրդեհ

Գլխավոր թեմաներ