07:13 19 մայիսի 2021
Ուղիղ եթեր
  • USD521.55
  • GBP740.81
  • EUR637.23
  • RUB7.08
Հասարակություն
Ստանալ կարճ հղումը
277322

ԲՀԿ առաջնորդն իր որդու հարսանիքնը կազմակերպել է ամենաճոխ ձևով։ Ներգրավվել են հարյուրավոր երաժիշտներ ու դերասաններ: Հյուրերից ոմանք ժամանել են ուղղաթիռով։

ԵՐԵՎԱՆ, 10 ապրիլի - Sputnik. «Բարգավաճ Հայաստան» կուսակցության նախագահ Գագիկ Ծառուկյանի որդու` Նվերի և ռուսաստանցի գործարար Բյուզանդ Ավետիսյանի դստեր` Արփիի պսակադրության արարողությունը տեղի է ունեցել Առինջի Սուրբ Աստվածածին եկեղեցում։

Համացանցում արդեն տեսանյութեր են հրապարակվել, որոնցում երևում է, որ եկեղեցին զարդարված է եղել սպիտակ ծաղիկներով, բակում նվագել է ժողովրդական գործիքների անսամբլը, իսկ եկեղեցուց դուրս եկող հարսին ու փեսային դիմավորել են հրեշտակների հագուստներով աղջիկները, որոնք նրանց գլխավերևում վարդի ճերմակ թերթիկներ են շաղ տվել։

Ռեստորան տանող ճանապարհի երկու կողմերից հարսանեկան շարասյանը դիմավորել են տասնյակ երիտասարդ դհոլահարները, իսկ ռեստորանի մուտքի մոտ հյուրերին ողջունել են սպիտակ հանդերձանքով կենդանի արձանները։

Միջոցառման մասնակիցներից ոմանք պսակադրության արարողությանը ժամանել են ուղղաթիռով։ Թե ով է եղել ուղղաթիռում, առայժմ հրապարակված տեսանյութում չի երում։ Փոխարենը տեսագրություններից պարզ է դառնում, որ հարսանիքին ներկա են եղել նաև հայաստանցի այլ գործարարների զավակներ ու ընտանիքներ։

Ռեստորանի սրահը նույնպես զարդարված է եղել սպիտակ ծաղիկներով և լուսավորության ժամանակակից էֆեկտներով: Ելույթներ են ունեցել ռուսական և հայկական էստրադային աստղեր Սոսո Պավլիաշվիլին, Ստաս Միխայլովը, Նիկոլայ Բասկովը, Քրիստինա Օրբակայտեն, Արմենչիկը, Արամ MP3- ն, Սոնա Ռուբենյանը, Իվետա Մուկուչյանը և ուրիշներ:

Посмотреть эту публикацию в Instagram

Публикация от Sona Rubenyan (@sonarubenyan)

Ծառուկյանի որդին՝ Նվերը, 21 տարեկան է: Զույգը նշանվել էր 2019-ի ամռանը:

Հարսնացուի հայրը, ըստ մամուլի, Ուֆայի հայտնի գործարար Բյուզանդ Ավետիսյանն է` Ուֆայի Բյուզանդը։

Թագավորական քեֆը սկսված է. հրապարակվել են Գագիկ Ծառուկյանի որդու հարսանիքի առաջին կադրերը

Հիշեցնենք, որ 2019-ի ամռանը Ծառուկյանն իր դստերը՝ Անահիտին, ամուսնացրեց հայտնի գործարար Խաչատուր Սուքիասյանի որդու՝ Ալբերտ Սուքիասյանի հետ: Ծառուկյանի և Սուքիասյանի երեխաների հարսանիքին ներկա էին Հայաստանի բարձրաստիճան պաշտոնյաներ, այդ թվում ՝ վարչապետ Նիկոլ Փաշինյանը։

Ըստ թեմայի

Ամուսնալուծությունից 3 ամիս անց Արշակ Կորյանը կրկին ամուսնացել է. լուսանկար
Գարիկ Մարտիրոսյանի կինն օգտատերերին բողոքել է ամուսնուց և որպես փաստ լուսանկար հրապարակել
«Ծեծել եմ նրան». Գոհար Ավետիսյանն ամուսնու հետ հանգստանում է մալդիվյան լողափում. տեսանյութ
թեգերը:
տեսանյութ, հարսանիք, Գագիկ Ծառուկյան, Հայաստան

Գլխավոր թեմաներ