10:21 11 մայիսի 2021
Ուղիղ եթեր
  • USD522.37
  • GBP735.97
  • EUR635.31
  • RUB7.06
Հասարակություն
Ստանալ կարճ հղումը
53 0 0

Նախագահը նկատում է նաև, որ նման օրենքի ընդունման համար նախ պետք է ունենալ գիտության և կրթության զարգացման հստակ ռազմավարություն ու ծրագիր:

ԵՐԵՎԱՆ, 22 ապրիլի - Sputnik. Նախագահը չի ստորագրել «Բարձրագույն կրթության և գիտության մասին» օրենքը և դիմել է Սահմանադրական դատարան։ Տեղեկանում ենք նախագահի պաշտոնական կայքից։

Հայտնել էինք, որ օրենքի ընդունմանը դեմ էին մի շարք ուսումնական հաստատություններ` ԵՊՀ–ն, ԵՊԲՀ–ն, ԳԱԱ-ն... Ոլորտի մասնագետները նույնպես քննադատում էին օրենքը։

Նշվում է, որ նախագահն օրենքը քննարկել է Գիտությունների ազգային ակադեմիայի ղեկավարության, ակադեմիկոսների, բուհերի, գիտության և կրթության ոլորտի, ՀԿ–ների ներկայացուցիչների հետ, լսել նրանց դիտարկումները:

«Ըստ օրենքին կից ներկայացված հիմնավորման՝ օրենքի գլխավոր նպատակն է կրթության և գիտության համակարգերի կառավարման արդյունավետության բարձրացումը: Սակայն հարկ է ընդգծել, որ օրենքը համակարգային բնույթ չունի, և դրանով նախատեսված կարգավորումներով գիտության և կրթության ոլորտում առկա խնդիրների համար առավելապես հատվածական լուծումներ են առաջարկվում»,–նշված է հաղորդագրության մեջ։

Նախագահը նկատում է նաև, որ նման օրենքի ընդունման համար նախ պետք է ունենալ գիտության և կրթության զարգացման հստակ ռազմավարություն, ծրագիր: Օրենքը լիարժեքորեն չի արտացոլում գիտության և կրթության զարգացման ժամանակակից միտումները:

Ի՞նչ կլինի, եթե նախագահը չստորագրի Բարձրագույն կրթության մասին օրենքը. իրավագետի տեսակետը

Միևնույն ժամանակ, օրենքի վերաբերյալ Արմեն Սարգսյանի աշխատակազմի ուսումնասիրությունները և փորձագիտական կարծիքները հանգեցրել են այն եզրակացության, որ օրենքի առանձին դրույթներ առերևույթ խնդրահարույց են սահմանադրականության տեսանկյունից:

Հենց այս ամենը հաշվի առնելով էլ` նախագահը չի ստորագրել օրենքը՝ դիմելով Սահմանադրական դատարան՝ Սահմանադրությանը օրենքի համապատասխանությունը որոշելու համար:

Հիշեցնենք` մարտի 24-ին ԱԺ–ն ընդունեց «Բարձրագույն կրթության և գիտության մասին» աղմկահարույց օրենքի նախագիծը։

Գիտությունների ազգային ակադեմիան և Երևանի պետական համալսարանն ապրիլի 5-ին հայտարարություն են տարածել` նշելով, որ ԱԺ–ի ընդունած «Բարձրագույն կրթության և գիտության մասին» օրենքի որոշ դրույթներ հակասում են Սահմանադրությանը։

Երկու հեղինակավոր կառույցները կոչ են արել ՀՀ նախագահին չստորագրել օրենքը։

Բարձրագույն կրթության մասին օրենսդրական փաթեթն են քննարկել նախագահն ու ԿԳՄՍ նախարարը

Ըստ թեմայի

ԱԺ–ն ընդունեց «Բարձրագույն կրթության ու գիտության մասին» աղմկահարույց օրենքը
Նախագահն ու ակադեմիայի տնօրենը քննարկել են բարձրագույն կրթության մասին օրենքը
Ի՞նչ կապ կարող է լինել ընտրությունների և բարձրագույն կրթության մասին նոր օրենքի միջև
թեգերը:
Նախագահ, Սահմանադրական դատարան, Օրենք, կրթություն

Գլխավոր թեմաներ