ԵՐԵՎԱՆ, 25 ապրիլի - Sputnik. Հայաստանի Հանրապետության տարածքում այսօր` ապրիլի 25-ին, սպասվում է առանց տեղումների եղանակ, վաղն առանձին շրջաններում, 27-29-ը շրջանների զգալի մասում հատկապես կեսօրից հետո և գիշերը, սպասվում է կարճատև անձրև և ամպրոպ, առանձին հատվածներում հնարավոր է կարկուտ։ Տեղեկությունը հայտնում է ՀՀ ԱԻՆ մամուլի ծառայությունը։
Հաղորդագրության համաձայն` քամին կլինի հարավարևմտյան՝ 5-10 մ/վ արագությամբ, ամպրոպի ժամանակ առանձին շրջաններում սպասվում է քամու ուժգնացում՝ 15-20 մ/վ։
Օդի ջերմաստիճանն էապես չի փոխվի։
Երևան քաղաքում այսօր` ապրիլի 25-ին, սպասվում է առանց տեղումների եղանակ, 26-ի երեկոյան ժամերին, 27-29-ի գիշերը և կեսօրից հետո սպասվում է կարճատև անձրև և ամպրոպ, ամպրոպի ժամանակ հնարավոր է քամու ուժգնացում մինչև 15-20 մ/վ:
Օդի ջերմաստիճանն այսօր ցերեկային ժամերին կլինի +27...+29, երեկոյան` +23...+25 աստիճան։
