00:51 12 մայիսի 2021
Ուղիղ եթեր
  • USD522.10
  • GBP737.78
  • EUR635.08
  • RUB7.06
Հասարակություն
Ստանալ կարճ հղումը
18610

Հրաչյա Հակոբյանը հրավիրեց Վահե Հակոբյանին ուղիղ եթերում քաղաքական բանավեճի, ինչին ի պատասխան Հակոբյանն էլ նշեց, որ կմտածի, բայց չի ցանկանում իր ինտելեկտը վիրավորել։

ԵՐԵՎԱՆ, 25 ապրիլի – Sputnik․ ԱԺ «Իմ քայլը» խմբակցության պատգամավոր, Փաշինյանի աներձագ Հրաչյա Հակոբյանի և «Վերածնվող Հայաստան» կուսակցության նախագահ, Սյունիքի նախկին մարզպետ Վահե Հակոբյանի հանդիպումը կայացավ, իսկ մենամարտը՝ ոչ։ Հրաչյա Հակոբյանը նշեց, որ ինքն ԱԺ պատգամավոր է և Վահե Հակոբյանին հրավիրում է ուղիղ եթերում բանավիճելու կամ երկխոսելու։

«Ես չեմ եկել ռինգ մտնելու և բոքսի օրենքերով կռվելու, առավել ևս որ բոքսի օրենքները չգիտեի, և եթե հանկարծ մտնեի ռինգ ու փորձեի Ձեզ հետ մենամարտել, միգուցե օրենքներից դուրս ինչ-որ բան անեի, որ հետագայում իմ դեմ կլիներ»,- նշեց Հակոբյանը։ Նա նաև Վահե Հակոբյանին նվիրեց բառարան, մեդալ ու հեռացավ դահլիճից։

«Ես կարծում եմ` այս երիտասարդն ապրել է իր կյանքի ամենաահավոր գիշերը, պատկերացնում եք` ինչ ապրումներ է ունեցել»,- նշեց Վահե Հակոբյանը։ Ինչ վերաբերում է Հրաչյա Հակոբյանին հրավերին՝ բանավիճելու եթերում, Վահե Հակոբյանը նշեց, որ նրան չի համարում «քաղաքակիրթ» և չի ցանկանում «ինքն իր ինտելեկտը վիրավորել»։

«Ժամանակը ցույց կտա` ով է քաղաքական գործիչ, ով` կապիկ»,- հավելեց նա:

Հիշեցնենք, որ Հրաչյա Հակոբյանը լրագրողների հետ զրույցում, անդրադառնալով Փաշինյանի այցի ժամանակ բողոքի ակցիա կազմակերպած սյունեցիներին բերման ենթարկելուն, նշել էր, որ «պետք է այ տենց ստորացնելով բերման ենթարկեն»։

«Փաշինյանին քաղցր խոսք է ասել». Շուռնուխի գյուղապետի եղբորը բերման ենթարկելու մանրամասները

Սյունիքի նախկին մարզպետ Վահե Հակոբյանն էլ ասել էր, որ եթե Հրաչյա Հակոբյանի «դուխը կհերիքի, թող գա իր ներկայությամբ խոսի»: Հրաչյա Հակոբյանն էլ 24 ժամ էր տվել նրան՝ «տեղ ու ժամ ասելու համար»: Վահե Հակոբյանը նշել էր մարզասրահներից մեկի բռնցքամարտի ռինգը։

Ըստ թեմայի

Որ դեպքում ընտրությունները կարող են չեղարկվել, կամ Փաշինյանի սյունիքյան այցի արդյունքները
Սյունիքում տեղի ունեցածն ուղղորդված էր. Մակունցը կարծում է` բողոքի ակցիայի տեղիք չեն տվել
ՊՆ-ն հերքում է․ Սյունիքի սահմաններին Ադրբեջանի հետ փոխհրաձգություն չի եղել
թեգերը:
մենամարտ, Հրաչյա Հակոբյան, Վահե Հակոբյան

Գլխավոր թեմաներ