20:03 19 հունիսի 2021
Ուղիղ եթեր
  • USD513.73
  • GBP713.98
  • EUR612.16
  • RUB7.12
Հասարակություն
Ստանալ կարճ հղումը
66 0 0

Արման Թաթոյանը նշել է, որ սոցիալական ցանցերում լարվածությունը վտանգավոր չափերի է հասել, իսկ որոշ պաշտոնյաներ ոչ միայն ոչինչ չեն անում դրա դեմ, այլ իրենց վարքով նպաստում են իրավիճակի առավել սրմանը։

ԵՐԵՎԱՆ, 1 մայիսի - Sputnik. Սոցիալական ցանցերում լարվածությունը վտանգավոր չափերի է՝ հատկապես հաշվի առնելով պատերազմին հաջորդած էմոցիոնալ լարվածությունը: Ակնհայտ է, որ նման իրավիճակում պետության ուղիղ պարտավորությունն է այս ամենը կանխելը, համերաշխության ու խաղաղության մթնոլորտ երաշխավորելը: Այս կարծիքին  է ՀՀ ՄԻՊ Արման Թաթոյանը, որը որոշ պաշտոնյաների վարքի հարցովդիմել է ՀՀ Կոռուպցիայի կանխարգելման հանձնաժողով: Տեղեկությունը նա հայտնել է Facebook–ի իր էջում։

Թաթոյանը նշել է, որ խոսքն այն պաշտոնյաների մասին է, որոնք

  1. Սոցիալական ցանցերում հրապարակային հայհոյանքներ կամ այլ վիրավորանք են գրում կամ անում են գրառումներ, որոնք բռնությունն արդարացնող են կամ խրախուսող
  2. Չեն հեռացնում իրենց էջերի հրապարակումների ներքո ծավալվող նշված բովանդակությամբ գրառումները
  3. Հավանումներով (առնվազն Like) աջակցում են նման գրառումները կամ հրապարակայնորեն կիսվում են դրանցով
  4. Արդարացնում են (այդ թվում` հրապարակայնորեն) իրենց ենթակաների հայհոյանքներ կամ այլ վիրավորանք կամ բռնությունն արդարացնող կամ խրախուսող գրառումները` պատճառաբանելով, թե կարևորն իրենք գոհ են նրանց աշխատանքային պարտականությունների կատարումից կամ էլ, թե դրանով զբաղվելն իրենց գործառույթը չէ:

Կոռուպցիայի կանխարգելման հանձնաժողով են ուղարկվել նաև կոնկրետ պաշտոնյաների արարքների օրինակներ:

Թաթոյանը նշել է, որ նման անօրինական վարքի տեր պաշտոնյաներն իրենց պահվածքով վնասում են մեր պետության մարմինների հեղինակությունը:

«Այս հարցերով վերջերս դիմել էի նաև ՀՀ իրավապահ մարմիններին` Դատախազություն, Ազգային անվտանգության ծառայություն և Ոստիկանություն, այդ թվում` կապված հանցագործությունների դեմ պայքարի, դրանց կանխման ու նախականխման նրանց կարևոր գործառույթների հետ»,–գրել է նա:

Թաթոյանը շեշտել է, որ պետական ու տեղական ինքնակառավարման մարմիններում, հանրային իշխանության ոլորտում պաշտոն զբաղեցող անձինք պետք է իրենց պահվածքով օրինակ լինեն համերաշխության համար, իրենք են առաջնահերթ պարտավոր բացառել մարդու արժանապատվությունը վիրավորող, բռնության հետ առնչություն ունեցող ցանկացած տեսակի խոսք, առավել ևս` այդ արատավոր երևույթների արդարացում կամ խրախուսում:

ՀՀ ՄԻՊ Արման Թաթոյանը արձագանքել է Ալիևի ագրեսիվ ու սադրիչ հայտարարությանը

Ըստ թեմայի

Սոցցանցերում հայհոյելն այսուհետ արգելվում է. ՌԴ–ում ուժի մեջ են մտել նոր փոփոխությունները
Կրկնակի ծափահարություններ Փաշինյանին. սոցցանցերում քննադատում են իմքայլականներին
Օնիկ Գասպարյանի անունով կեղծ էջեր են հայտնվել սոցցանցերում. լուսանկար
թեգերը:
հանձնաժողով, կոռուպցիա, Արման Թաթոյան

Գլխավոր թեմաներ