23:31 11 մայիսի 2021
Ուղիղ եթեր
  • USD522.10
  • GBP737.78
  • EUR635.08
  • RUB7.06
Հասարակություն
Ստանալ կարճ հղումը
89 0 0

Վարչապետի խոսքով` բարձրաստիճան պաշտոնյաները տարբեր պատվաստանյութերով են պատվաստվելու, որպեսզի հանրության շրջանում տիրող կասկածները փարատվեն։

ԵՐԵՎԱՆ, 3 մայիսի - Sputnik․ Վարչապետ Նիկոլ Փաշինյանը, որը այսօր կնոջ` Աննա Հակոբյանի հետ միասին պատվաստվել են կորոնավիրուսի դեմ, հրաժարվեց պատասխանել հարցին, թե որ պատվաստանյութով է պատվաստվել։ Ազգային ժողովում նրան պատվաստանյութի վերաբերյալ հարցը տվեց ԱԺ նախկին իմքայլական, այժմ անկախ պատգամավոր Թագուհի Թովմասյանը։

«Խնդրում եմ` ասեք, թե կոնկրետ որ պատվաստանյութով եք պատվաստվել այսօր», – ասաց պատգամավորը։

Հարցին ի պատասխան Փաշինյանն ասաց, որ բարձրաստիճան պաշտոնյաները տարբեր պատվաստանյութերով են պատվաստվելու, որպեսզի հանրության շրջանում տիրող կասկածները փարատվեն։

«Ես չեմ ասելու` որ պատվաստանյութով եմ պատվաստվել։ Կասեմ, որ մեր մեկ փոխվարչապետը պատվաստվել է AstraZeneca-ով, մյուս փոխվարչապետը կպատվաստվի Sputnik V-ով, հույս ունեմ, որ Ազգային ժողովի նախագահությունից որևէ մեկն էլ կպատվաստվի չինական պատվաստանյութով»,– ասաց Փաշինյանը։ Ազգային ժողովում նրա հայտարարությանը համընդհանուր ծիծաղ հետևեց։

Վարչապետը ընդգծեց, որ եթե առողջապահության նախարարությունը թույլ է տվել որևէ պատվաստանյութ մտնի շրջանառության մեջ, ուրեմն այն խնդիր չի առաջացնում։

Նիկոլ Փաշինյանն ու Աննա Հակոբյանը պատվաստվել են. տեսանյութ

Հիշեցնենք` առողջապահության նախարար Անահիտ Ավանեսյանը և փոխվարչապետ Տիգրան Ավինյանը նախորդ շաբաթ պատվաստվեցին կորոնավիրուսի դեմ AstraZeneca պատվաստանյութով։ Հայաստանում այժմ երեք տեսակի պատվաստանյութ կա` ռուսական Sputnik V, բրիտանական AstraZeneca և չինական CoronaVac.

Ըստ թեմայի

«Իմ քայլը» խմբակցության կողմից վարչապետի թեկնածու առաջադրվեց Նիկոլ Փաշինյանը
Հայ գիտնականները 3D ակնոց են ստեղծել
Սերժ Սարգսյանը ժամանակին միջնորդներին նամակ է գրել. Փաշինյանը` ԼՂ բանակցությունների մասին
թեգերը:
պատվաստանյութ, կորոնավիրուս, Նիկոլ Փաշինյան

Գլխավոր թեմաներ