17:49 18 մայիսի 2021
Ուղիղ եթեր
  • USD521.55
  • GBP740.81
  • EUR637.23
  • RUB7.08
Հասարակություն
Ստանալ կարճ հղումը
18601

Ավելի վաղ Հատուկ քննչական ծառայությունը մերժել էր քրեական գործ հարուցել, որի դեմ փաստաբանները բողոք էին ներկայացրել:

ԵՐԵՎԱՆ, 3 մայիսի- Sputnik. ՀՀ նախագահ Արմեն Սարգսյանի երկքաղաքացիության փաստը թաքցնելու հարցի հետ կապված հարուցվել է քրեական գործ: Տեղեկությունը հայտնում է փաստաբանների պալատի նախագահ Արա Զոհրաբյանը ֆեյսբուքյան իր էջում։

Դեռ մարտի 30-ին հայտնի դարձավ` 53 փաստաբան հանցագործության մասին հաղորդում էին ներկայացրել կապված ՀՀ նախագահ Արմեն Սարգսյանի երկքաղաքացիության փաստը թաքցնելու հետ: Հատուկ քննչական ծառայությունը մերժել էր քրեական գործ հարուցել, որի դեմ փաստաբանները բողոք էին ներկայացրել:

«Գլխավոր դատախազությունը բողոքի հիման վրա վերացրել է ՀՔԾ որոշումը և հարուցել է քրեական գործ քրեական օրենսգրքի 325 հոդվածի 1-ին մասի (փաստաթղթեր կեղծելը, իրացնելը կամ օգտագործելը) հատկանիշներով»,–գրում է Զոհրաբյանը։

Նրա խոսքով` դատախազության որոշման մեջ նշված է, թե իրավաչափ են բողոքաբերների այն ենթադրությունները, որ Արմեն Սարգսյանը Միացյալ Թագավորության քաղաքացիությունը դադարեցրել է ոչ թե 2011 թվականին, այլ դրանից հետո և հակառակի վերաբերյալ սույն նյութերով այլ փաստական տվյալներ ձեռք չեն բերվել։ Այսինքն` առկա են ողջամիտ կասկածներ տրամադրված տեղեկատվության (դիմումի)՝ իրականությանը չհամապատասխանելու վերաբերյալ։

Արմեն Սարգսյանը չկարողացավ իրեն դրսևորել. Սերժ Սարգսյանն ասաց` ինչու է ամաչում նրա փոխարեն

Հիշեցնենք, որ ըստ փաստաբանների հաղորդման՝ Արմեն Սարգսյանը 2003-2012–ին առնվազն 10 տարի Միացյալ Թագավորության քաղաքացիություն է ունեցել և ՀՀ նախագահ է ընտրվել 02.03.2018–ին այն դեպքում, երբ չի բավարարել վերջին վեց տարում միայն ՀՀ քաղաքացի հանդիսանալու պահանջը: Արմեն Սարգսյանը կարող էր ՀՀ նախագահ ընտրվել միայն, եթե նրա ՄԹ քաղաքացիությունը դադարեցված լիներ մինչև 01.03.2012 թվականը:

Ըստ թեմայի

ՀՀ նախագահի քաղաքացիության վերաբերյալ հաղորդումն ուղարկվել է ՀՔԾ. դատախազություն
Օտարերկրացիներն ավելի հեշտությամբ կկարողանան ՌԴ քաղաքացիություն ստանալ
Օրեր առաջ ՀՀ քաղաքացիություն ստացավ․ մահացել է Վարդան Գրեգորյանը
թեգերը:
քաղաքացիություն, Քրեական գործ, Արմեն Սարգսյան

Գլխավոր թեմաներ