00:48 12 մայիսի 2021
Ուղիղ եթեր
  • USD522.10
  • GBP737.78
  • EUR635.08
  • RUB7.06
Հասարակություն
Ստանալ կարճ հղումը
39 0 0

Լճում կենսապաշարների կայուն կառավարումը բխում է նաև ՀՀ բոլոր քաղաքացիների շահերից, ուստի ապօրինի ձկնորսության դեմ պայքարը նախարարության ուշադրության կենտրոնում է։

ԵՐԵՎԱՆ, 3 մայիսի - Sputnik. Այսօր Սևանա լճից դուրս է բերվել մանրաձուկ որսալու 20 ապօրինի ցանց և դրանցում առկա 230 հատ մանրաձուկ։ Տեղեկությունը հայտնում է Շրջակա միջավայրի նախարարության մամուլի ծառայությունը։ Նշվում է, որ «Սևան» ազգային պարկի պահպանության բաժինը հատուկ հերթապահություն է իրականացրել։ Ապօրինի ցանցերն առգրավվում են և ոչնչացվում օրենքով սահմանված կարգով:

«Տարիներ շարունակ Սևանա լճի կենսաբազմազանության օգտագործումը հիմնականում ընթացել է առանց հաշվի առնելու կենսապաշարների վերարտադրության ապահովման բնական հնարավորությունները։ Օգտագործման այսպիսի մոտեցման արդյունքում աստիճանաբար տեղի է ունեցել տեսակների դեգրադացիա և նույնիսկ ոչնչացում»,- նշված է հաղորդագրության մեջ։

Նախարարությունից տեղեկացնում են, որ Սևանա լճում ապօրինի ձկնորսության դեմ պայքարը իրենց ամենօրյա ուշադրության կենտրոնում է։ Կա սերտ համագործակցություն պետական այլ մարմինների՝ գերատեսչությունների և ծառայությունների հետ՝ խնդրին համապարփակ և համակողմանի լուծում տալու համար։ Ընդգծվում է, որ այսօր պետությունը ջանք չի խնայում Սևանա լճի կենսապաշարների վերականգնման և լճի առողջացմանն ուղղված միջոցառումների շրջանակում։

Ռոմանոս Պետրոսյանը մասնակցում է Սևանի ափամերձ տարածքի մաքրման աշխատանքներին

Հիշեցնում են՝ Սևանա լճում կենսապաշարների կայուն կառավարումը բխում է ինչպես Սևանա լճի, այնպես էլ ՀՀ բոլոր քաղաքացիների շահերից։

Ըստ թեմայի

«Մեր ծովի տեղն ո՞վ գիտի». Սուրենյանի հայտնած լուրը կրկին հումորների տեղիք է տվել
Սևանա լիճը սնուցող հիմնական ակունքները հայտնվել են Ադրբեջանի վերահսկողության տակ. նախարար
Սևանա լճի մակարդակի աննախադեպ բարձրացում է սպասվում. Պետրոսյանը տվյալներ հայտնեց
թեգերը:
որսագողություն, Սևանա լիճ

Գլխավոր թեմաներ