02:31 11 մայիսի 2021
Ուղիղ եթեր
  • USD522.37
  • GBP735.97
  • EUR635.31
  • RUB7.06
Հասարակություն
Ստանալ կարճ հղումը
53 0 0

Ազգային ժողովի փոխնախագահը հորդորում է անվճար պատվաստվել կորոնավիրուսի դեմ։

ԵՐԵՎԱՆ, 5 մայիսի – Sputnik. ՀՀ Ազգային ժողովի փոխխոսնակ Լենա Նազարյանն այսօր պատվաստվել է կորոնավիրուսի դեմ։

«Բարեկամներ, այսօր ստացա կորոնավիրուսային հիվանդության դեմ «Սինովակ» ընկերության «ԿորոնաՎակ» (CoronaVac) պատվաստանյութի առաջին չափաբաժինը։ Այս պատվաստանյութը Հայաստանին մայիսի 2-ին տրամադրել է բարեկամ Չինաստանի Ժողովրդական Հանրապետության կառավարությունը՝ կորոնավիրուսային հիվանդության (Covid -19) համավարակի կանխարգելման միջոցառումների շրջանակում (100,000 դեղաչափ՝ 50,000 անձի համար)»,– Facebook–ի իր էջում գրել է նա:

«ԿորոնաՎակ» (CoronaVac) պատվաստանյութը ցուցված է 18 տարեկան և բարձր տարիքի ռիսկի խմբի անձանց շրջանում կորոնավիրուսային հիվանդության (COVID-19) դեմ պատվաստումների իրականացման համար: Կիրառվում է երկու դեղաչափով` յուրաքանչյուրը 0,5 մլ: Երկրորդ դեղաչափն իրականացվում է առաջին դեղաչափից 28 օր հետո:

Նազարյանը հորդորում է պատվաստվել և կանխարգելել Covid-19-ը։

18 տարեկանից բարձր բոլոր անձինք կարող են անվճար պատվաստվել Covid-19-ի դեմ ցանկացած պոլիկլինիկայում՝ անկախ գրանցման վայրից, պատվաստումներն անվճար են նաև օտարերկրյա քաղաքացիների համար։

Պոլիկլինիկաներում պատվաստումների համար հերթապահություններ են սահմանվել նաև շաբաթ և կիրակի օրերին՝ ժամը 10։00-16։00։

Նախապես պետք է զանգահարել պոլիկլինիկա և գրանցվել պատվաստման համար։

493 նոր դեպք, 13 մահ` մեկ օրում. կորոնավիրուսային հիվանդության ընթացքը Հայաստանում

Հիշեցնենք` ապրիլի 29-ին կառավարության նիստի ժամանակ ՀՀ վարչապետի պաշտոնակատար Նիկոլ Փաշինյանը հանձնարարել էր, որ մեկ շաբաթվա ընթացքում կառավարության նիստին ներկա բոլոր անձինք պատվաստվեն։

Նիկոլ Փաշինյանն ու Աննա Հակոբյանը պատվաստվել են. տեսանյութ

Ըստ թեմայի

Կորոնավիրուսի դեմ պատվաստումների համար առևտրի խոշոր կենտրոններում էլ բուժկետեր կգործեն
Մհեր Գրիգորյանն ու Արմեն Գրիգորյանը պատվաստվել են կորոնավիրուսի դեմ. լուսանկարներ
ԿԳՄՍ նախարարի պաշտոնակատարն էլ պատվաստվեց կորոնավիրուսի դեմ
թեգերը:
պատվաստանյութ, կորոնավիրուս, Հայաստան

Գլխավոր թեմաներ