23:41 23 հուլիսի 2021
Ուղիղ եթեր
  • USD483.42
  • GBP664.12
  • EUR568.89
  • RUB6.57
Հասարակություն
Ստանալ կարճ հղումը
93 0 0

Հայաստան» դաշինքի մարզային որոշ շտաբներն ահազանգել էին, որ ոստիկանության առանձին ծառայողներ տեսնելով «Հայաստան» դաշինքի ցուցանակները, ներս են մտել ու հետաքրքրվել շտաբի ցուցանակի, շտաբի կազմակերպչական այլ հարցերի մասին։

ԵՐԵՎԱՆ, 19 մայիսի - Sputnik. ՀՀ ոստիկանությունը պատասխանել է ՀՀ երկրորդ նախագահ Ռոբերտ Քոչարյանի, ՀՅԴ–ի ու Սյունիքի նախկին մարզպետ Վահե Հակոբյանի ձևավորած «Հայաստան» դաշինքի հայտարարությանը` պարզաբանելով, թե ինչ նպատակով են ոստիկանության ծառայողներն այցելել դաշինքի գրասենյակներ։

«Հայտնում ենք, որ իրենց տարածքները սպասարկող ոստիկանության ծառայողներն այս օրերին այցելում են բոլոր նախընտրական շտաբներ, շտաբի պետերին հանձնում անձնական տվյալներով իրենց այցեքարտերը ու խնդրում նրանց կոնտակտային տվյալները՝ անհրաժեշտության դեպքում համագործակցելու նպատակով: Այս գործողությունները ոստիկանության գործառույթների շրջանակում են և առաջին հերթին բխում են նախընտրական շտաբների շահերից և ուղղված են դրանց բնականոն գործունեության ապահովմանը»,– հայտնում է ոստիկանությունը:

Ինչ վերաբերում է «Հայաստան» դաշինքի հայտարարությանը, ոստիկանությունը նշում է, որ դրա կապակցությամբ ոստիկանությունում իրականացվում են ուսումնասիրություններ:

Հիշեցնենք` «Հայաստան» դաշինքի նախընտրական կենտրոնական շտաբի պաշտոնական ներկայացուցիչ Արամ Վարդևանյանն այսօր հայտարարել էր, որ մարզային որոշ շտաբներից ստացել են ահազանգ այն մասին, որ ոստիկանության առանձին ծառայողներ տեսնելով «Հայաստան» դաշինքի ցուցանակները, առանց որևէ հիմնավորման ներս են մտել շտաբների տարածքներ և փորձել են հետաքրքրվել շտաբի ցուցանակի, շտաբի կազմակերպչական այլ հարցերի մասին։

Արմեն Սարգսյանը ստորագրեց հրամանագիրը. ընտրությունների օրը հստակ է

Վարդևանյանը շեշտել է, որ նման անընդունելի վարքագծի կրկնվելու դեպքում իրենց կողմից կնախաձեռնվեն կտրուկ իրավական գործընթացներ։

Հիշեցնենք, որ «Հայաստան» դաշինքի ստեղծման մասին հայտարարվել էր մայիսի 9-ին։ Դաշինքի մեջ մտնում են «Հայ հեղափոխական դաշնակցություն» և «Վերածնվող Հայաստան» կուսակցությունները, իսկ դաշինքի նախընտրական ցուցակը կգլխավորի ՀՀ երկրորդ նախագահ Ռոբերտ Քոչարյանը։

Խորհրդարանական արտահերթ ընտրությունները կանցկացվեն հունիսի 20-ին։

Ըստ թեմայի

ՀՀ նախագահը խառնեց պլանները. Հայաստանում հնարավոր է` ընտրությունների երկրորդ փուլ անցկացվի
Արտահերթ ընտրություններն անցկացվելու են այս պահին գործող օրենքով. Հովակիմյան
«Սպաներ, միացեք». ԱԱԾ պահեստազորի սպաների միությունը վերահսկելու է գալիք ընտրությունները
թեգերը:
ոստիկան, «Հայաստան» դաշինք

Գլխավոր թեմաներ