16:23 29 հուլիսի 2021
Ուղիղ եթեր
  • USD484.36
  • GBP675.63
  • EUR575.08
  • RUB6.62
Հասարակություն
Ստանալ կարճ հղումը
88 0 0

Հետազոտողները 76 ուսանող բժիշկների մասնակցությամբ փորձարկում են անցկացրել և ստուգել հիշելու երկու մեթոդների արդյունավետությունը։

ԵՐԵՎԱՆ, 22 մայիսի – Sputnik. Բարդ տեղեկությունները հիշելու տեխնիկան, որը վաղուց ի վեր օգտագործում են Ավստրալիայի աբորիգենները, շատ ավելի արդյունավետ է, քան այսօր տարածված «հիշողության պալատ» մեթոդը: Նման եզրակացության են հանգել Մոնաշի համալսարանի գիտնականները։ Ինչպես հաղորդում է «Իզվեստիա» թերթը, հետազոտության արդյունքները հրապարակվել են «PLOS ONE» ամսագրում:

Նշվում է, որ նոր տեղեկությունը հիշելու համար ավստրալացի բնիկները պատմվածք են հորինում, որում նկարագրում են ֆլորան, ֆաունան և տեղանքի առանձնահատկությունները: Սովորելու ընթացքում աբորիգենները հաճախ կրկնում են իրենց պատմությունը, ինչի շնորհիվ էլ կարողանում են արագ մտապահել մեծ թվով փաստեր։

Հետազոտողները ստուգել են այս մեթոդի արդյունավետությունը՝ 76 ուսանող բժիշկների մասնակցությամբ փորձարկում իրականացնելով։ Նրանց առաջադրանք է տրվել թիթեռների 20 անվանում մտապահել անգլերեն լեզվով (օրինակ՝ hairstreak, patch, admiral, copper և այլն)։

Գիտնականներն ուսանողներին երեք խմբի են բաժանել, որպեսզի կարողանան համեմատել, թե մտապահման տեխնիկաներից որն է առավել արդյունավետ։ Մի խումբն օգտվել է ավստրալացի բնիկների մեթոդից, մյուսը՝ «հիշողության պալատի» մեթոդից։ Ուսանողների երրորդ խումբը մտապահել է անվանումները՝ չօգտագործելով ոչ մի հնարք։

Հայ գիտնականները 3D ակնոց են ստեղծել

«Հիշողության պալատը» հիշողությունը մարզելու դասական եղանակ է։ Այս տեխնիկան օգտագործող մարդը զուգորդումներ (ասոցիացիաներ) է ստեղծում այն տեղեկատվության, որը պետք է հիշել, և երևակայական տան կամ պալատի որոշակի տեղերի միջև։

Ավստրալական աբորիգենների մեթոդն ամենաարդյունավետն է եղել կարճ ժամանակում բառերի ամբողջ ցանկը ճշգրիտ վերարտադրելու համար («հիշողության պալատից» եռակի արդյունավետ)։ Մեթոդն օգտակար է եղել նաև այն տեղեկությունները հիշելու համար, որտեղ շատ կարևոր է այս կամ այն գործընթացի հստակ հերթականությունը։

Այդուհանդերձ հետազոտողները խոստովանել են, որ բոլոր մեթոդներն էլ արդյունավետ չեն երկարաժամկետ մտապահման համար: Ստացած տեղեկությունները չկրկնելու դեպքում աստիճանաբար մոռացվում են վեց շաբաթվա ընթացքում։

Ինչպես է սուրճն ազդում մարդու ուղեղի վրա. գիտնականները հետաքրքիր բացահայտումներ են արել

 

Ըստ թեմայի

Գիտնականները պարզել են երկարակեցության գլխավոր գործոնը
Անմոռանալի կինը․ գիտնականները պարզել են, թե ինչն են մտապահում տղամարդիկ
Գիտնականներն ասել են՝ որ միրգն է դանդաղեցնում ծերացումը
թեգերը:
հիշողություն, գիտնական

Գլխավոր թեմաներ