06:58 23 հունիսի 2021
Ուղիղ եթեր
  • USD513.07
  • GBP711.63
  • EUR609.73
  • RUB7.01
Հասարակություն
Ստանալ կարճ հղումը
848 0 0

Հայ զինծառայողներին ահաբեկչության մեղադրանք է առաջադրվել։ Գործը մեղադրական եզրակացությամբ ուղարկվել է դատարան։

ԵՐԵՎԱՆ, 1 հունիսի - Sputnik. Ադրբեջանում ավարտվել է հայ զինծառայողների նկատմամբ հարուցված քրեական գործի նախաքննությունը։ Տեղեկությունը հայտնում է Ադրբեջանի դատախազությունը։

Խծաբերդում գերեվարված հայ զինծառայողներին մեղադրում են ահաբեկչության և այլ հանցավոր գործողությունների մեջ։

Նշվում է, որ հայկական զինված կազմավորումները Ղարաբաղի վերաբերյալ եռակողմ հայտարարության ստորագրումից հետո իբր ապօրինի մուտք են գործել Հադրութ և, դիրքեր գրավելով անտառապատ տարածքում, ահաբեկչական, դիվերսիոն և այլ հանցավոր գործողություններ են իրականացրել ադրբեջանցի զինծառայողների և քաղաքացիական անձանց դեմ։

ՄԻԵԴ-ը Ադրբեջանից տեղեկություն է պահանջել 6 հայ ռազմագերիների վերաբերյալ և ժամանակ տվել

Այդ կապակցությամբ Հրաչ Ավագյանին, Գեղամ Սերոբյանին և ևս 12 հայ զինծառայողի հրազենի ու որպես զենք օգտագործվող առարկաների օգտագործմամբ ահաբեկչություն իրականացնելու մեղադրանք է առաջադրվել: Գործը մեղադրական եզրակացությամբ ուղարկվել է դատարան։

Հայ զինվորականներ չեն գերեվարվել. ՊՆ–ն կրկին հերքում է տարածվող լուրերը

Հիշեցնենք` 2020-ի դեկտեմբերի 16-ին Արցախի պաշտպանության բանակի մամուլի ծառայությունը հայտնեց, որ անհայտ պայմաններում կորել է կապը Հադրութի Հին Թաղեր և Խծաբերդ գյուղերի ուղղությամբ տեղակայված մի քանի մարտական դիրքերի անձնակազմի հետ։ Այնուհետև լուրեր տարածվեցին, որ նրանք գերի են ընկել։

Ավելի ուշ Արցախի ՄԻՊ Արտակ Բեգլարյանը հաստատեց, որ Հադրութի շրջանի Խծաբերդ գյուղի ուղղությամբ անհետ կորել է մի ստորաբաժանում։ Հետո հայտնի դարձավ, որ գերեվարվածների մեծ մասը Շիրակի մարզից են։

Չհամարձակվե՛ք գալ Շիրակ. գերիների հարազատները պատրաստ են ամենավերջին քայլին

 

թեգերը:
Մեղադրանք, զինծառայող, հայ, Ադրբեջան

Գլխավոր թեմաներ