17:09 16 հունիսի 2021
Ուղիղ եթեր
  • USD514.87
  • GBP726.74
  • EUR624.18
  • RUB7.16
Հասարակություն
Ստանալ կարճ հղումը
64 0 0

Նախարարի պաշտոնակատարի կարծիքով՝ նախկինում երևի թե նման մշակույթ չի եղել, որ պաշտոնատար անձը ներողություն խնդրի, դրա համար էլ իր ներողությունը քննարկման առարկա է դարձել։

ԵՐԵՎԱՆ, 3 հունիսի – Sputnik․ Ներողությունից բացի եղել են նաև կոնկրետ գործողություններ, մարդիկ են աշխատանքից ազատվել, որոշներըը ստացել են խիստ նկատողություն, և հարուցվել է քրեական գործ։ ԱԺ-ում լրագրողների հետ ճեպազրույցի ժամանակ նշեց առողջապահության նախարարի պաշտոնակատար Անահիտ Ավանեսյանը՝ պատասխանելով լրագրողների այն հարցին, թե արդյոք զինվորների դիակների հետ կապված ահասարսուռ պատմությունը միայն ներողությամբ է վերջանալու։
Ավանեսյանը նշեց՝ քննություն է ընթանում, հանգամանքները կպարզվեն, և բոլոր համապատասխան մարդիկ պատասխանատվություն կկրեն։

Այն հարցին, թե արդյոք որպես ոլորտի համակարգող նաև իր մեղավորությունը չի՞ տեսնում այս պատմության մեջ և չի՞ պատրաստվում հրաժարական ներկայացնել, Անահիտ Ավանեսյանը նշեց, որ որպես խնդրի քաղաքական պատասխանատու միանգամից է արձագանքել։

«Երևի անսովոր էր իմ ներողություն խնդրելը, նման մշակույթ երևի չի եղել, ներողություն եմ խնդրել, որ ցավ է պատճառվել հարազատներին»,- նշեց Ավանեսյանը։

Նրա կարծիքով՝ սա մասնավոր անձի արարք է և պետք է գնահատվի այդ արարքի շրջանակներում, չպետք է տարածել ամբողջ կառույցի վրա։

Ի պատասխան այն հարցին, թե արդյոք կատարվածը նաև անձամբ նախարարի բացթողումը չէր, Ավանեսյանը նշեց․
«Բացթողումն այն է, որ խնդրի վերհանումը, միգուցե, ճիշտ պահին չի եղել»։

Մայր աթոռը խստագույնս դատապարտել է զոհվածների աճյունների հանդեպ վերաբերմունքը

Նշենք, որ հասարակության շրջանում մեծ աղմուկ բարձրացրեց սոցցանցերում հրապարակված լուսանկարը, որտեղ երևում էր, որ Աբովյանի դիահերձարանում պոլիեթիլենային պարկերով զինծառայողների մասունքներ են նետված գետնին։ Դեպքի առնչությամբ ՀՀ ԱՆ «Դատաբժշկական գիտագործնական կենտրոն» ՊՈԱԿ-ի Աբովյանի մասնաճյուղի վարիչը և այս գործընթացում ընդգրկված 2 աշխատակից ազատվել են աշխատանքից: ՊՈԱԿ-ի տնօրենը ստացել է խիստ նկատողություն:

Դեպքի առնչությանմբ հարուցվել է քրեական գործ։

Ըստ թեմայի

Զոհվածների դիերն ու մասունքները պարկերով նկուղներում թողնելու դեպքով քրգործ է հարուցվել
«Սա չպետք է դառնա քաղաքական շահարկման առարկա». Ավանեսյանը` պարկերի մեջ դրված դիերի մասին
Նիստ՝ ժանտախտի ժամանակ. Նաիրա Զոհրաբյանին զայրացրել է «փոքր» օրենքների քննարկումը
թեգերը:
զինծառայող, աճյուն, Անահիտ Ավանեսյան

Գլխավոր թեմաներ