ԵՐԵՎԱՆ, 3 հունիսի – Sputnik․ Երևանի Շենգավիթ վարչական շրջանի մի քանի փողոցներում այսօր երեկոյից պետք է մի քանի ժամով փակ պահել պատուհանները։ «Կանաչապատում և շրջակա միջավայրի պահպանություն» ՀՈԱԿ-ի մամուլի ծառայությունը տեղեկացնում է, որ Շենգավիթում սկսվում է գլխավոր փողոցների բույսերի բուժման գործընթացը։
Այսօր երեկոյան աշխատանքներ են իրականցվելու Նժդեհի հրապարակում, Նժդեհի, Մանթաշյան և Եղբայրության փողոցներում։
«Խնդրում ենք երեկոյան՝ ժամը 23։00-ից մինչև լուսաբաց՝ ժամը 05։00, անվտանգության կանոնները պահպանելու նպատակով փակ պահել փողոց նայող պատուհաններն ու պատշգամբների դռները»,- նշված է հաղորդագրության մեջ։
Պատահականությո՞ւն, թե՞ հրկիզում. «գարշահոտ» պատմություն՝ Մասիսի աղբավայրի շուրջ
Շրջանում աշխատանքները կտևեն 5 օր։ Փողոցների հաջորդականության մասին պարբերաբար տեղեկություններ կտրամադրվեն։
