ԵՐԵՎԱՆ, 4 հունիսի - Sputnik. «Վերջին զանգի» միջոցառումներով պայմանավորված՝ ճանապարհային ոստիկանությունն այսօր իրականացնում է ուժեղացված ծառայություն։
Ժամը 10.00-ի դրությամբ ճանապարհային ոստիկանության հատուկ պահպանվող տարածք է տեղափոխվել 8 տրանսպորտային միջոց, որոնցից 4-ի ղեկին եղել են անչափահասներ։
Ոստիկանությունը ևս մեկ անգամ հորդորում է ձեռնպահ մնալ անչափահասներին մեքենա տրամադրելուց, ինչպես նաև՝ պահպանել ճանապարհային երթևեկության կանոնները։
ԱԻ նախարարի պաշտոնակատարի հանձնարարությամբ՝ այսօր հանրապետության ամբողջ տարածքում ուժեղացած ծառայություն կիրականացնեն նաև ԱԻՆ ծառայությունները։
Հիշեցնենք, որ ուսումնական տարին 12-րդ դասարանների համար ավարտվում է հունիսի 4-ին: Տարին շուտ կավարտվի նաև առաջին և երկրորդ դասարանների համար, որոնց ուսումնական շրջանի տևողությունը կարճ է: Մյուս դասարանները տարին կավարտեն հունիսի 18-ին:
Ներողամտություն չի լինելու. ՃՈ–ն հունիսի 4–ին ուժեղացված ծառայություն է իրականացնելու
