15:41 12 հունիսի 2021
Ուղիղ եթեր
  • USD518.61
  • GBP733.68
  • EUR630.16
  • RUB7.24
Հասարակություն
Ստանալ կարճ հղումը
79 0 0

20 000 պետական ծառայողներ նախորդ տարի պարգևավճարներ են ստացել։ Ընդհանուր գումարը մի քանի տասնյակ միլիոն դոլար է կազմում։

ԵՐԵՎԱՆ, 4 հունիսի - Sputnik. Նախորդ տարի պետական կառավարման համակարգի աշխատավարձի ֆոնդը կազմել է 65.5 մլրդ դրամ, և բաժանվել է դրա մոտ 30 տոկոսի չափով պարգևավճար, այսինքն` 45 մլն դոլարի չափով։ Ազգային ժողովի նիստի ժամանակ հայտարարեց «Իմ քայլը» խմբակցության անդամ Բաբկեն Թունյանը` անդրադառնալով պարգևավճարների թեմային։

Նա նշեց, թե քանի որ շահարկվում էր պարգևավճարների թեման, ֆինանսների նախարարին խնդրել է ինֆորմացիա տրամադրել։ Թունյանի խոսքով` մամուլում ներկայացվում էր, որ պաշտոնյաները 2020-ին ստացել են մոտ 120 մլն դոլարի պարգևավճարներ։

«45 մլն դոլար պարգևավճարի մեջ մտնում են նաև հարկերը, այսինքն` եթե հարկերը հանում ենք, մնում է մոտ 32 մլն դոլար։ Այս գումարը բաժանվել է ոչ թե պետական բարձրաստիճան պաշտոնյաներին, այլ 20 000 պետական ծառայողներին»,–ասաց Թունյանը։

Նրա խոսքով` վերոհիշյալ թվերը գալիս են փաստելու, որ մանիպուլյացիա էին լուրերը, թե պետական բարձրաստիճան պաշտոնյաները պարգևավճարներով «եսիմինչեր» են արել։ Թունյանը հավելեց, որ յուրաքանչյուր աշխատողի ամսական միջինը 90 000 դրամ պարգևավճար է բաժին հասել, այսինքն` հարկերն էլ հանած՝ 70 000 դրամ են ստացել։

Թունյանը վստահեցնում է` նախկինում էլ այս համակարգն այսպես թե այնպես գործել է` որոշ կառույցներ ունեցել են արտաբյուջեներ, իսկ, օրինակ, ֆինանսների նախարարությունում միշտ են բաժանվել պարգևավճարներ։

Հսկայական պարգևավճարներից և այլ համեղ արտոնություններից հեշտ չեն հրաժարվում

Պատգամավորն իր խոսքն ամփոփեց` ասելով, որ պարգևավճարների թիվն ուռճացնողները թող կա՛մ ներողություն խնդրեն հանրությանը մոլորեցնելու համար, կա՛մ էլ հիմնավորեն իրենց ներկայացրած թիվը։

Ըստ թեմայի

ՊԵԿ-ն ու վարչապետի աշխատակազմը 15 մլն դոլարի պարգևատրում են ստացել. պատգամավոր
«Բա ճիշտ ենք արել, հլը ավելի շատ պարգևավճար պետք ա տանք ոստիկաններին». Ալեն Սիմոնյան
Վարչապետի աշխատակազմում պարգևավճարները գերազանցել են աշխատավարձի չափերը
թեգերը:
Բաբկեն Թունյան, պարգևավճար

Գլխավոր թեմաներ