13:12 20 հունիսի 2021
Ուղիղ եթեր
  • USD513.73
  • GBP713.98
  • EUR612.16
  • RUB7.12
Հասարակություն
Ստանալ կարճ հղումը
36 0 0

ԱԺ պատգամավորները 76 կողմ, 0 դեմ, 8 ձեռնպահ ձայների հարաբերակցությամբ ընդունեցին օրենքում փոփոխություն կատարելու նախագիծը։

ԵՐԵՎԱՆ, 4 հունիսի - Sputnik. Այսուհետ կորոնավիրուսի հետևանքով մահացածների պարագայում նույնպես դիահերձում կիրականացվի։ ԱԺ–ն երկրորդ ընթերցմամբ և ամբողջությամբ ընդունեց «Բնակչության բժշկական օգնության և սպասարկման մասին» օրենքում փոփոխություն կատարելու փաթեթը։

Այն ընդունվեց 76 կողմ, 0 դեմ, 8 ձեռնպահ ձայների հարաբերակցությամբ։

Նշենք, որ հաշվի առնելով այն հանգամանքը, որ կորոնավիրուսի վարակելիության աստիճանը դեռևս ամբողջությամբ բացահայտված չէր, և պարզ չէր` չէր դիակի մեջ կորոնավիրուսային հիվանդությունը որքան է պահպանվում, նախկինում օրենքում փոփոխություն էր կատարվել և որոշվել էր կորոնավիրուսից մահացածներին չհերձել։

Սակայն վերջին 1 տարվա ընթացքում պարզ դարձավ, որ դիակից կորոնավիրուսային հիվանդության վարակելիությունն այն աստիճան է, որ դրանից հնարավոր է պաշտպանվել հերձման ժամանակ կիրառվող անհատական պաշտպանության միջոցների օգտագործմամբ, սանիտարահամաճարակային միջոցառումների իրականացմամբ։ Հենց այս պատճառով էլ որոշվեց հայաստանյան օրենքից հանել չհերձելու մասին դրույթը։

Հիշեցնենք, որ ԱԺ–ն նախորդ տարվա մարտի 31-ին ընդունել էր «Բնակչության բժշկական օգնության և սպասարկման մասին» օրենքում լրացումներ կատարելու մասին օրենքի նախագիծը, որով առաջարկվում էր հերձում չկատարել։

Հայաստանում կորոնավիրուսի դեմ պատվաստված անձանց թիվը զգալի աճել է

Ըստ թեմայի

«Կգնանք դիահերձարան` մեր աչքով կտեսնենք». անհետ կորածների հարազատները բացեցին Հերացին
Նոր դիերի մասին խոսք չկա. Աբովյանի դիահերձարանում ծառայողական քննություն է իրականացվելու
Գիտնականներն ասել են, թե որ հյութն է 97%–ով ճնշում կորոնավիրուսը
թեգերը:
դիահերձարան, կորոնավիրուս

Գլխավոր թեմաներ