16:17 12 հունիսի 2021
Ուղիղ եթեր
  • USD518.61
  • GBP733.68
  • EUR630.16
  • RUB7.24
Հասարակություն
Ստանալ կարճ հղումը
272 0 0

Նա խոստովանել է, որ իշխանության եղած ժամանակ քիչ են շփվել ու խոսել մարդկանց հետ, և, միգուցե, այն, ինչ տեղի ունեցավ 2018 թ. ապրիլին, պայմանավորված էր նաև դրանով, քանի որ կապն ինչ-որ չափով կտրվել էր ժողովրդի հետ: 

ԵՐԵՎԱՆ, 6 հունիսի - Sputnik. «Եթե ես լինեի գերագույն գլխավոր հրամանատար ու էսպիսի վիճակ լիներ, ես ինձ ուղղակի կգնդակահարեի», Վայոց ձորի մարզի Ջերմուկ քաղաքում «Պատիվ ունեմ» դաշինքի ակտիվի և բնակիչների հետ այսօրվա հանդիպման ժամանակ հայտարարել է ՀՀ երրորդ նախագահ Սերժ Սարգսյանը:

«Ինքը եթե ունենար այս էսքան արժանապատվություն, ինքը պետք է ինքնասպան լիներ։ Ես երդվում եմ, եթե ես լինեի գերագույն գլխավոր հրամանատար ու էսպիսի վիճակ լիներ, ես ինձ ուղղակի կգնդակահարեի։ Ո՞ւմ է պետք էդպիսի կյանքը։ 5 հազար հոգու մահ խղճիդ, քովիդի 5 հազարը չեմ ասում, ջախջախված զորք, ադրբեջանցին ուղղակի քեզ ծաղրում է, ասում է՝ դու ով ես, որ ես քեզ հաղթած լինեմ, ու գիտեք՝ ազգանուններ է ասում (Քոչարյան ու Սարգսյան-խմբ.)»,-նշել է Սարգսյանը։

Նա խոստովանել է, որ իշխանության եղած ժամանակ քիչ են շփվել ու խոսել մարդկանց հետ, և, միգուցե, այն, ինչ տեղի ունեցավ 2018 թ. ապրիլին, պայմանավորված էր նաև դրանով, քանի որ կապն ինչ-որ չափով կտրվել էր ժողովրդի հետ: 

«Դրա հետ միասին, սակայն, մենք չենք ստել, մարդկանց մանիպուլյացիաների չենք ենթարկել, մեր հասարակությանը չենք բաժանել սևերի և սպիտակների, հարուստների և աղքատների, նորերի ու հների, ընդհակառակը՝ ցանկացել ենք միավորել մարդկանց, որովհետև հատկապես մեր պարագայում դա ուղղակի անհրաժեշտություն է: Պառակտված ժողովուրդը չի կարող սատար կանգնել իր բանակին, չի կարող թև ու թիկունք լինել իր անվտանգությունն ապահովողներին և անհրաժեշտության դեպքում համալրել նրանց շարքերը»,- նշել է երրորդ նախագահը:

«Իկոնայի պես նկարս բռնած գնում-գալիս է». Քոչարյանը մեկնաբանել է առյուծի հետ իր լուսանկարը

Հիշեցնենք, որ Հայաստանում արտահերթ խորհրդարանական ընտրությունները նախատեսված են հունիսի 20-ին։ Վաղը՝ հունիսի 7-ին, մեկնարկում է քարոզարշավը։

«Պատիվ ունեմ» դաշինքի ցուցակը գլխավորում է ԱԱԾ նախկին տնօրեն Արթուր Վանեցյանը։

Ըստ թեմայի

Եթե երկրում ցնցումներ սկսվեն, սահմանին կուտակված թշնամին շարժվելու է առաջ. Մարուքյան
Քարոզարշավը կարող է խառնել բոլոր խաղաքարտերը
ՀՀԿ–ի սխալներն ուղղելի են` ի տարբերություն Նիկոլ Փաշինյանի սխալների. Վանեցյան
թեգերը:
«Պատիվ ունեմ» դաշինք, Սերժ Սարգսյան

Գլխավոր թեմաներ