13:27 27 հուլիսի 2021
Ուղիղ եթեր
  • USD482.52
  • GBP665.64
  • EUR569.28
  • RUB6.52
Հասարակություն
Ստանալ կարճ հղումը
331 0 0

ՀՀ ԱԱԾ նախկին ղեկավարը բացատրել է, թե որոնք են հայ գերիներին ականապատ տարածքների քարտեզների հետ փոխանակելու ռիսկերը։

ԵՐԵՎԱՆ, 14 հունիսի – Sputnik. Հայաստանի իշխանությունները Ադրբեջանին փոխանցել են երկրի ազգային անվտանգության համար հսկայական նշանակություն ունեցող տեղեկություններ։ Խոսքը Աղդամի շրջանի ականապատ տարածքների քարտեզների մասին է։ Այդ մասին երկուշաբթի օրը Երևանում կայացած «Լազարյան ակումբի» նիստի ընթացքում հայտարարել է ՀՀ Ազգային անվտանգության ծառայության նախկին պետ Դավիթ Շահնազարյանը։

Հունիսի 12-ին Բաքուն 15 գերի է վերադարձրել՝ փոխանակելով նրանց Արցախում մարտական գործողությունների արդյունքում Ադրբեջանի վերահսկողության տակ անցած Ակնայի (Աղդամ) շրջանի ականապատ դաշտերի քարտեզների հետ։

Շահնազարյանի խոսքով՝ այդ տարածքում մինչև 97 հազար ական կա, և քարտեզների փոխանցումն Ադրբեջանին միայն կարագացնի Աղդամի շրջանի ռազմականացումը։ Թե դա ինչ վտանգ է ներկայացնում Հայաստանի Հանրապետության և Լեռնային Ղարաբաղի համար, դժվար չէ կռահել, նշել է ԱԱԾ նախկին ղեկավարը։

«Այն, ինչ Ադրբեջանը պետք է կատարեր 2020թ․-ի նոյեմբերի 9-ի պայմանավորվածության համաձայն, հիմա գործարք է դարձել, ընդ որում՝ ոչ համարժեք։ Ես խիստ կասկածում եմ, որ գերիների ազատման հարցում Բաքվի վրա միջազգային ճնշումների տեմպերը չեն նվազի»,-ասել է Շահնազարյանը։

Նա նաև ուշադրություն է հրավիրում այդ «գործարքում» ԱՄՆ-ի դերի վրա, մատնանշելով, որ տվյալ դեպքում նրանք հանդես են գալիս ոչ որպես ԵԱՀԿ Մինսկի խմբի համանախագահ երկիր։ Ամերիկացիները շատ ավելի լայն լիազորություններ ունեն, կարծում է քաղաքական գործիչը։

«Ալիևի հետ պաս տալով խաղու՞մ են»․ Սերժ Սարգսյանը՝ գերիների վերադարձի և քարտեզների մասին

Տեղի ունեցածը նա ոչ միայն հարված է համարում Հայաստանի և Արցախի ազգային անվտանգությանը, այլև կարծում է, որ այն բացահայտում է տարածաշրջանում աշխարհաքաղաքական խաղացողների, մասնավորապես՝ ամերիկացիների շահերը։

Նշենք, որ ղարաբաղյան հակամարտության գոտում հրադադարի հաստատումից հետո Ադրբեջանում պահվող գերիների և պատանդների վերադարձի հարցը մնում է հայկական կողմի համար առավել սուր հարցը: Ադրբեջանի իշխանությունները չեն շտապում վերադարձնել գերիներին։ Այս ընթացքում գերիների փոխանակման ընդամենը մի քանի դեպք է եղել (ընդհանուր՝ 88 մարդ)։  Իրավապաշտպանների տվյալներով ՝ Ադրբեջանում դեռ մոտ 200 մարդ է մնում։

Ըստ թեմայի

Նիկոլ Փաշինյանը հրապարակեց Ադրբեջանից Հայաստան վերադարձած գերիների անունները
Բլինկենը ողջունել է 15 գերիներին Հայաստանին փոխանցելը և շնորհակալություն հայտնել Վրաստանին
Վստահության այս միջոցները կօգնեն բանակցություններին․ ԵԱՀԿ-ն՝ 15 գերիների վերադարձի մասին
թեգերը:
Դավիթ Շահնազարյան, գերի, քարտեզ, Աղդամ

Գլխավոր թեմաներ