09:01 04 օգոստոսի 2021
Ուղիղ եթեր
  • USD490.93
  • GBP683.08
  • EUR583.32
  • RUB6.74
Հասարակություն
Ստանալ կարճ հղումը
«Հոկտեմբերի 27». ահաբեկչություն, դատավարություն (30)
131 0 0

Նիկոլ Փաշինյանն Արարատում ընտրողների հետ հանդիպմանը հայտարարել է, որ ՀՀ քաղաքացին իր քվեով կարող է արդար քննության պահանջ ներկայացնել քննչական մարմնին։

ԵՐԵՎԱՆ, 14 հունիսի - Sputnik. Հոկտեմբերի 27-ի վերաբացված քրեական գործի նախաքննությունը շարունակվում է։ Այսօր Արարատում, 1999թ–ի հոկտեմբերի 27-ի ոճրագործության զոհ դարձած սպարապետ Վազգեն Սարգսյանի հուշարձանի մոտ հարգանքի տուրք մատուցելուց հետո, հայտարարեց «Քաղաքացիական պայմանագիր» կուսակցության վարչապետի թեկնածու Նիկոլ Փաշինյանը։

Արարատի հրապարակում հավաքված ընտրողներին Փաշինյանը հիշեցրեց, որ քրեական գործը վերաբացվել էր դեռ 2020թ–ի փետրվարին` տուժողի իրավահաջորդ, Հոկտեմբերի 27-ի զոհ Յուրի Բախշյանի այրու` Անահիտ Բախշյանի դիմումի հիման վրա։

«Իհարկե, հետագայում կորոնավիրուսի և պատերազմի պատճառով քննչական գործողություններ տեղի չէին ունենում, որպեսզի վարակի տարածումը կանխվի։ Հետո եկավ պատերազմը։ Բայց ուզում եմ, որ բոլորդ իմանաք, որ նախաքննությունը բացված է, և ԱԱԾ–ն վարում է այդ քննությունը»,– ասաց Փաշինյանը։

Նա նաև շեշտեց, որ ՀՀ քաղաքացին իր քվեով կարող է արդար քննության պահանջ ներկայացնել քննչական մարմնին ու արդարադատության համակարգին, որպեսզի այդ գործերի բոլոր հնարավոր նրբությունները բացահայտվեն։

1999թ.-ի հոկտեմբերի 27-ին հանցախումբը` Նաիրի Հունանյանի գլխավորությամբ,  ՀՀ ազգային ժողովի նիստերի դահլիճում սպանել է ԱԺ խոսնակ Կարեն Դեմիրճյանին, վարչապետ Վազգեն Սարգսյանին, փոխխոսնակներ Յուրի Բախշյանին և Ռուբեն Միրոյանին, օպերատիվ հարցերով նախարար Լեոնարդ Պետրոսյանին, պատգամավոր Արմենակ Արմենակյանին, Հենրիխ Աբրահամյանին և Միքայել Քոթանյանին:

Փաշինյանը հիշեց «հոկտեմբերի 27»-ն ու թվարկեց Սերժ Սարգսյանի ընտանիքին վերաբերող փաստեր

Հարուցված քրեական գործի նախաքննությունը տևեց 1.5 տարի, դատավարությունը` 2.5։

2003թ–ին ավարտված դատավարության արդյունքում դատարանը որոշեց Նաիրի Հունանյանին, նրա եղբորը` Կարեն Հունանյանին, նրանց քեռուն` Վռամ Գալստյանին, ինչպես նաև Դերենիկ Բեջանյանին, Էդիկ Գրիգորյանին, Նորայր Եղիազարյանին ու Աշոտ Կնյազյանին դատապարտել ցմահ, Համլետ Ստեփանյանին` 14 տարվա ազատազրկման։

Հանցագործությանը հաջորդած 20 տարվա ընթացքում խմբի 8 անդամներից 4-ը մահացան տարբեր հանգամանքներում։

թեմա:
«Հոկտեմբերի 27». ահաբեկչություն, դատավարություն (30)

Ըստ թեմայի

«Հոկտեմբերի 27»-ի գործից անջատված մասով ԱԱԾ-ում քննչական խումբ է ստեղծվել
«Որքան էլ պարզունակ է հնչում...». Քոչարյանի գրասենյակը պատասխանել է Փաշինյանին
Իմ նախագահության օրոք ես ստացել եմ 3 առաջարկ․ Ռոբերտ Քոչարյանը խոսել է Մեղրիի խնդրի մասին
թեգերը:
Նիկոլ Փաշինյան, Հոկտեմբերի 27

Գլխավոր թեմաներ