07:38 29 հուլիսի 2021
Ուղիղ եթեր
  • USD482.32
  • GBP669.27
  • EUR570.01
  • RUB6.56
Հասարակություն
Ստանալ կարճ հղումը
57 0 0

Կառավարությունը, հաստատելով ներդրումը որպես բարեգործական, միաժամանակ հստակ կանոններ է սահմանել` ծրագրի ինչ–ինչ պատճառով խաթարվելու դեպքում պատասխանատու ընկերությունը կենթարկվի պատասխանատվության։

ԵՐԵՎԱՆ, 17 հունիսի – Sputnik. Արարատի մարզի Շահումյան և Տափերական գյուղերում կկառուցվեն «Երեխաների քաղաք» ստեղծարար կենտրոններ։ Տեղեկությունն այսօր ՀՀ կառավարության նիստում հայտնեց ՀՀ Տարածքային կառավարման և ենթակառուցվածքների նախարարի տեղակալ Վաչե Տերտերյանը։

Նրա խոսքով`ծրագիրը բարեգործական է ու իրականացվելու է «Հայկական կարիտաս» ՀԿ–ի կողմից։ 

«Պիտի լինի այլընտրանքային կրթական համալիր, ստեղծագործական կենտրոն, որտեղ 14 տարեկանից բարձր երիտասարդների շրջանում կիրականացվեն անձի բազմակողմանի զարգացման ծրագրեր` ուղղված մասնագիտական կողմնորոշմանը, կյանքի հմտությունների զարգացմանը և որակյալ կրթության հնարավորությունների ստեղծմանը»,– ասաց Տերտերյանը։  

Փոխնախարարը հայտնեց, որ ծրագրի ամբողջական արժեքը 20 մլն ԱՄՆ դոլար է։ Ընդ որում, կառավարությունը, հաստատելով ներդրումը որպես բարեգործական, միաժամանակ հստակ կանոններ է սահմանել` ծրագրի ինչ–ինչ պատճառով խաթարվելու դեպքում պատասխանատու ընկերությունը կենթարկվի պատասխանատվության։ Իսկ հատկացված համայնքային հողերը հետ կվերցվեն նրանից։

Արարատի մարզի Շահումյան և Տափերական գյուղերում «Երեխաների քաղաք» ստեղծարար կենտրոնների կառուցման համար «Հայկական կարիտաս» ՀԿ–ի հետ կնքված պայմանագրով սահմանված է ժամկետ` 2021թ–ի սեպտեմբերի 31-ից մինչև 2026թ–ի դեկտեմբերի 31-ը։

Արցախյան պատերազմում որդուն կորցրած գյումրեցի կինը 3–րդ երեխային է լույս աշխարհ բերել

Հիշեցնենք, որ դեռ 2019-ին այս ծրագիրը մեծ աղմուկ էր բարձրացրել։ 2019 թվականի օգոստոսի 8-ին կառավարությունը որոշել էր հողատարածքներ նվիրել «Կարիտասին», որպեսզի ՀԿ–ն սոցիալապես անապահով և հաշմանդամություն ունեցող երեխաների համար առանձին քաղաք կառուցի։ Մի շարք ՀԿ–ներ ու մասնագետներ իրենց բողոքն էին արտահայտել որոշման մասին, քանի որ քաղաքի ստեղծումը, ըստ նրանց, կմեկուսացնի հաշմանդամություն ունեցող անձանց։ Դեկտեմբերի 26–ին կառավարությունը  չեղարկեց իր այդ որոշումը։

Նախորդ տարվա փետրվարի 26-ին էլ Արարատի մարզպետ Գարիկ Սարգսյանը լրագրողների հետ զրույցում ասել էր` մարզում «Երեխաների քաղաք» կառուցելու` «Հայկական Կարիտաս» ՀԿ–ի ծրագիրը վերափոխված տարբերակով ներկայացվել է կառավարությանը։

Ըստ թեմայի

Երևանաբնակ կինը ամուսնուց թաքուն վաճառել է երեխային․ մեղադրանք է առաջադրվել 5 անձի
Երևանում երեխաները թթվասերից ու կաթնաշոռից են թունավորվե՞լ․ ՍԱՏՄ ստուգումների արդյունքը
Երկրի ղեկավարը պետք է լինի հնարավորինս կրթված, որպեսզի նրան ընդօրինակեն. Մխիթարյան
թեգերը:
կրթություն, երեխա, Արարատի մարզ, Գյուղ, «Հայկական Կարիտաս» ՀԿ, Հայաստան

Գլխավոր թեմաներ