ԵՐԵՎԱՆ, 21 հունիսի – Sputnik. Հունիսի 21-ին Հայաստանում մեկնարկել է 2021 թվականի ամառային զորակոչը: Տեղեկությունը հայտնում է ՀՀ Պաշտպանության նախարարությունը։
«Այսօր պարտադիր ժամկետային զինվորական ծառայության կմեկնեն առաջին նորակոչիկները», - ասվում է հաղորդագրությունում։
Նշենք, որ զորակոչը տևելու է հունիսի 21-ից մինչև հուլիսի 31-ը ներառյալ։ Զորակոչի ենթակա են Հայաստանի Հանրապետության արական սեռի քաղաքացիները, որոնց 18 տարին լրանում է մինչև 2021 թվականի հունիսի 30-ը ներառյալ, ինչպես նաև այն քաղաքացիների, որոնց շարքային կազմի պարտադիր զինվորական ծառայության զորակոչից նախկինում տրված տարկետումը դադարում է մինչև 2021 թվականի հունիսի 30-ը ներառյալ: