ԵՐԵՎԱՆ, 26 հունիսի – Sputnik. Ռուսաստանում Առողջապահության Համաշխարհային կազմակերպության ներկայացուցիչ Մելիտա Վույնովիչը հայտարարել է, որ հակամարմինների առկայությունն օրգանիզմում միշտ չէ, որ վկայում է կորոնավիրուսի նկատմամբ իմունիտետի մասին:
ԱՀԿ-ի ներկայացուցիչն ընդգծել է, որ COVID-19-ի հակամարմինների ամբողջական հետազոտման համար անհրաժեշտ է դիմել լաբորատորիա: Ընդ որում, պատվաստումն ամեն դեպքում կպաշտպանի մարդուն վարակից։
«Եթե հակամարմիններ կան, չի նշանակում, որ պատվաստանյութն ինչ-որ վնաս կհասնի։ Դա բացարձակ սուտ է»,-ասել է Վույնովիչը։
Նա ընդգծել է, որ անգամ պատվաստումը ստանալուց հետո քաղաքացիները ստիպված կլինեն դիմակ դնել։
«Եթե պատվաստված մարդը չհիվանդանա, վիրուսը, միևնույնն է, կանցնի նրա օրգանիզմով, ավելի խելացի կդառնա և ինչ-որ պահի այդ վարակը կփոխանցվի ուրիշ մարդու` թեկուզ առանց ախտանշանների»,-նշել է փորձագետը։
Վույնովիչը հավելել է, որ համավարակը հնարավոր է կանգնեցնել արդեն այս տարի, բայց դրա համար համընդհանուր ջանքեր են պահանջվում։
Վրաստանի առողջապահության նախարարը պատվաստումից հետո հիվանդացել է կորոնավիրուսով
