ԵՐԵՎԱՆ, 3 հուլիսի - Sputnik․ Թարմացնող, առույգացնող ազդեցություն ունի ոչ միայն սուրճը, այլև ցանկացած ցիտրուսային հյութ ՝ թուրինջի, մանդարինի, նարնջի, կիտրոնի։ Sputnik ռադիոկայանի հետ հարցազրույցում այս մասին ասել է բժիշկ-դիետոլոգ, նուտրիցիոլոգ, Դիետոլոգների ազգային ասոցիացիայի անդամ Աննա Բելոուսովան։
«Առույգացնող հատկություն ունեն մրգերի և հատապտուղների մեծ մասը, օրինակ` թթու, քաղցր հատապտուղները, ինչպիսիք են կեռասը, բալը, նաև բոլոր կարմիր և մուգ կապույտ հատապտուղները՝ ելակը, հապալասը, սև հաղարջը»,- նշել է Բելոուսովան։
Նրա խոսքով՝ նյարդային համակարգը կարելի է խթանել նաև բանջարեղենի, օրինակ՝ սմբուկի, թարմ սոխի և սխտորի միջոցով։
Դիետոլոգը նշել է, որ բանջարեղենի որոշ տեսակներ առույգացնում են, միայն թե հում վիճակում ուտելու դեպքում, իսկ ջերմային մշակումից հետո փոխում են իրենց հատկությունները։ Դրանցից են բազուկն ու գազարը:
Մասնագետի խոսքով՝ հանգստացնող հատկություններ ունեն տանձն ու սալորը: Ջերմային մշակումից հետո նման հատկություն են ձեռքբերում նաև դդումն ու դդմիկը։
Բելոուսովան հավելել է, որ եթե ձուկն ու միսը պատրաստվի մեծ քանակությամբ սուր համեմունքներով և աղով, խթանիչ ազդեցություն կունենան։
Որքան դիետիկ պատրաստվեն այս մթերքները, այնքան ավելի նյարդային համակարգի համար կարգավորող ազդեցություն կունենան։
Սննդաբանը խոսել է շոգ եղանակին տաք թեյ խմելու օգտակարության ու վնասի մասին