09:48 24 հուլիսի 2021
Ուղիղ եթեր
  • USD483.42
  • GBP664.12
  • EUR568.89
  • RUB6.57
Հասարակություն
Ստանալ կարճ հղումը
127 0 0

Եթե օրեր առաջ գյուղացիները ճանապարհը փակել էին ոռոգման հարցը լուծելու պահանջով, ապա այսօր նրանք արդեն նաև փոխհատուցում էին պահանջում:

ԵՐԵՎԱՆ, 5 հուլիսի – Sputnik. Մի քանի ժամ Երևան-Գյումրի մայրուղու Ազատան-Բենիամին հատվածը փակ պահելուց հետո Շիրակի մարզի բնակիչները երեկոյան բացեցին ճանապարհը` տրված խոստումների ու ոստիկանների հորդորներից հետո։

Ինչպես Շիրակի մարզից հայտնում է Sputnik Արմենիայի թղթակիցը, գյուղացիներին խոստացել են, որ վաղը կամ մյուս օրը Ջրային տնտեսության պետական կոմիտեի նախագահն անձամբ կայցելի Շիրակի մարզ:

Ինչպես արդեն հայտնել ենք, Շիրակի մարզի Ազատան և Բենիամին գյուղերի բնակիչներն այսօր ցերեկը կրկին փակել էին ավտոճանապարհը` պահանջելով լուծել իրենց ոռոգման ջրի խնդիրը ու փոխհատուցել կրած վնասը։

Հիշեցնենք, որ մարզի մի քանի գյուղերի բնակիչներ հունիսի 29-ին նույն պահանջով կրկին փակել էին ճանապարհը, որը բացվել էր Շիրակի մարզպետ Հովհաննես Հարությունյանի ու «Շիրակ» ջրօգտագործողների ընկերության պատասխանատուների հետ հանդիպումից հետո. նրանք խոստացել էին խնդրին շուտափույթ լուծում տալ։

Ի՞նչ է կատարվում ոռոգման ջրի համակարգում. ֆինանսավորումն ավելացել է, պարտքերը` շատացել

Հավելենք, որ խնդիրը կապված է Կառնուտի ջրամբարի սակավաջրության հետ: Շրջակա միջավայրի նախարարության Հիդրոօդերևութաբանության և մոնիթորինգի կենտրոնի տնօրենի պաշտոնակատար Լևոն Ազիզյանն ավելի վաղ հայտնել էր, որ Հայաստանի 5 խոշոր ջրամբարներում այս տարի 210 մլն խմ պակաս ջուր կա, քան 2020-ին։

Ըստ թեմայի

Ջրամբարի կառուցում և ոչ միայն․ Արցախում փորձում են լուծել ոռոգման խնդիրները
Կաթիլային ոռոգման համակարգը հնարավոր կլինի կիրառել միայն նոր տնկվող այգիներում. Պետրոսյան
Աշխարհը տաքանում է. նախարարը չի բացառում, որ Սևանից լրացուցիչ ջուր կվերցնեն ոռոգման համար
թեգերը:
Ճանապարհ, Բողոքի ակցիա, Շիրակի մարզ

Գլխավոր թեմաներ