08:32 24 հուլիսի 2021
Ուղիղ եթեր
  • USD483.42
  • GBP664.12
  • EUR568.89
  • RUB6.57
Հասարակություն
Ստանալ կարճ հղումը
599 0 0

Եթե փոքրիկը ծնվեր հիվանդանոցային պայմաններում, այդ բոլոր դժվարությունները չէր ունենա: Ամենայն հավանականությամբ՝ երեխան կտեղափոխվի մանկատուն։

ԵՐԵՎԱՆ, 14 հուլիսի – Sputnik. Երևանի Արցախի փողոցի տներից մեկի մոտ թողած նորածնի վիճակը ծանր է, սակայն նրա վիճակն արդեն բարելավում է։ Այս մասին Sputnik Արմենիայի թղթակցի հետ զրույցում ասաց «Մուրացան» համալսարանական հիվանդանոցային համալիրի մանկական և նորածնային վերակենդանացման կլինիկայի ղեկավար Հրանտ Կալենտերյանը։

«Երեխային ծննդաբերել են ակնհայտորեն ոչ հիվանդանոցային պայմաններում, առանց ստերիլ նյութերի։ Պորտը կապված չի եղել։ Հետծննդյան օգնություն չի տրամադրվել», - ասաց նա։

Փոքրիկը աղջկա քաշը 2,6 կգ է։ Ըստ բժշկի՝ դա նորմալ քաշ է, երեխան հասուն է։ Սակայն ոչ հիվանդանոցային պայմաններում պահվելու հետևանքով նրա վիճակը ծանր է։

Руководитель клиники детской и неонатальной реаниматологии Университетского больничного комплекса Мурацан Грант Калентерян
© Sputnik / Artak Aghababyan
«Մուրացան» համալսարանական հիվանդանոցային համալիրի մանկական և նորածնային վերակենդանացման կլինիկայի ղեկավար Հրանտ Կալենտերյան

«Երեխային պահել են ոչ ստերիլ արկղի մեջ, նրա մոտ արդեն ինֆեկցվածության աստիճաններ են նկատվում։ Նա ունի շնչառական անբավարարություն, թթվածնային կախվածություն։ Ուրախացնում է այն, որ երեկվա համեմատ իր վիճակի է լավացում նկատվել։ Սակայն դինամիկայի մասին կարելի է դատել միայն 72 ժամ լրանալուց հետո», - ասաց բժիշկը։

Կալենտերյանը նշեց, որ եթե փոքրիկը ծնվեր հիվանդանոցային պայմաններում, այդ բոլոր դժվարությունները չէր ունենա: Ամենայն հավանականությամբ՝ երեխան կտեղափոխվի մանկատուն։

Փաստի առթիվ նյութեր են նախապատրաստվում, ոստիկանությունը փորձում է նույնականացնել և գտնել երեխայի ծնողներին:

Ավելի վաղ նման միջադեպ էր տեղի ունեցել Գյումրիում։

Հուլիսի 3-ի առավոտյան քաղաքի Ավտոկայան թաղամասում թողել էին նորածին տղայի։ Երեխային նկատել էր պատահական անցորդը։ 3 կգ 100 գրամ քաշով փոքրիկին տեղափոխել են Գյումրու մոր և մանկան հիվանդանոց։ Փաստի առթիվ հարուցվել է քրեական գործ։

«Երեկ մի փոքր ջերմել էր». ի՞նչ վիճակում է Գյումրու փողոցներից մեկում հայտնաբերված նորածինը

Ըստ թեմայի

«Երեկ մի փոքր ջերմել էր». ի՞նչ վիճակում է Գյումրու փողոցներից մեկում հայտնաբերված նորածինը
Նորածնի տատիկն է պարզել, որ թոռանը վաճառել են. մանրամասներ գյումրեցու դեպքից
Գյումրիում նորածնին լքելու դեպքով քրեական գործ է հարուցվել. մորը դեռ չեն գտել
թեգերը:
Երևան, հոսպիտալ, նորածին

Գլխավոր թեմաներ