18:19 27 հուլիսի 2021
Ուղիղ եթեր
  • USD482.28
  • GBP664.39
  • EUR568.13
  • RUB6.53
Հասարակություն
Ստանալ կարճ հղումը
94 0 0

Նախատեսվող ծախսերը կկազմեն 1,5 մլրդ դրամ։ Այդ գումարն ստանալու ու ծրագիրն իրականացնելու առաջարկով ՊՆ–ն դիմել է կառավարությանը։

ԵՐԵՎԱՆ, 15 հուլիսի - Sputnik. ՀՀ պաշտպանության նախարարությունը ծրագրում է «Եռաբլուր» զինվորական պանթեոնում 1000 գերեզման կառուցել ու տարածքի բարեկարգման աշխատանքների կատարել։

Նախատեսվող ծախսերը նախարարության հաշվարկով կկազմեն 1,5 մլրդ դրամ։

Այդ գումարն ստանալու ու ծրագիրն իրականացնելու առաջարկով ՊՆ–ն դիմել է կառավարությանը։ Բյուջտային հատկացման որոշումն ընդունվել է ՀՀ կառավարության այսօրվա նիստում` առանց զեկուցման ու քննարկման։

Ի դեպ, մինչ այդ` 2021 թվականի մայիսի 26-ին նախարարությունը Եռաբլուրում գերեզմանների կառուցման ու տարածքի բարեկարգման աշխատանքների գնման մրրցույթ էր հայտարարել, բայց հայտերի ներկայացման վերջնաժամկետն ավարտվել է հուլիսի 2-ին, և որևէ ընկերություն մասնակցության հայտ չի ներկայացրել։

Այժմ, հաշվի առնելով աշխատանքները հրատապ իրականացման պահանջը, նախարարությունը որոշել է դրանք իրականացնել մեկ անձից գնման ձևով։ Կառավարությունն էլ հաստատել է ՊՆ–ի այս առաջարկը։

ԱՀ նախագահն ընդունել է անհետ կորածների հարազատներին, ՊՆ պաշտոնյաներն այցելել են Եռաբլուր

Հավելենք, որ Արցախյան 44-օրյա պատերազմի հետևանքով՝ հունիսի 9-ի տվյալներով, հայկական կողմն ունի պաշտոնապես հաստատված 3621 զոհ և 321 անհետ կորած։ 

Վիրավորում ստացած զինծառայողների թիվը մոտ 11 հազար է։

Ըստ թեմայի

Մենք ո՛չ սև ենք, ո՛չ սպիտակ, մեր գույնը Եռաբլուրի հողի գույնն է. միասնության երթ Երևանում
Եռաբլուրի հերոսներին 2 բան ունենք ասելու. Դավիթ Ամալյանը` հաղթանակի ու պարտության մասին
Եռաբլուրի ամբողջ տարածքում մաքրման մասշտաբային աշխատանքներ են իրականացվել. լուսանկարներ
թեգերը:
ՀՀ Պաշտպանության նախարարություն (ՊՆ), գերեզման, Եռաբլուր պանթեոն

Գլխավոր թեմաներ