01:15 30 հուլիսի 2021
Ուղիղ եթեր
  • USD484.36
  • GBP675.63
  • EUR575.08
  • RUB6.62
Հասարակություն
Ստանալ կարճ հղումը
7010

ԲԴԽ-ն չի կարող անդրադառնալ Ռուբեն Վարդազարյանի լիազորությունները կասեցնելու մասին որոշման վերանայման հարցին մինչև քրեական վարույթի ավարտը։

ԵՐԵՎԱՆ, 16 հուլիսի – Sputnik. Բարձրագույն դատական խորհուրդը չի կարող անդրադառնալ ԲԴԽ նախկին նախագահ Ռուբեն Վարդազարյանի լիազորությունները կասեցնելու մասին որոշման վերանայման հարցին։ Նման հայտարարություն է տարածել ԲԴԽ–ն իր պաշտոնական կայքում` անդրադառնալով Վարդազարյանի դիմումին։

Նշենք, որ հուլիսի 9-ին հայտնի դարձավ, որ Ռուբեն Վարդազարյանի իրավունքները Երևանի ընդհանուր իրավասության դատարանը վերականգնել է։

«Նշված դատական ակտի հիման վրա Ռուբեն Վարդազարյանը ԲԴԽ-ին դիմում է ներկայացրել՝ ակնկալելով իր լիազորությունների կասեցման մասին որոշման վերանայում: Բարձրագույն դատական խորհուրդը հայտնում է, որ Երևան քաղաքի առաջին ատյանի ընդհանուր իրավասության դատարանի որոշման հասցեատերը Բարձրագույն դատական խորհուրդը չէ»,–նշված է հաղորդագրության մեջ։

Նշվում է նաև, որ ԲԴԽ-ն չի կարող անդրադառնալ Վարդազարյանի լիազորությունները կասեցնելու մասին որոշման վերանայման հարցին մինչև նրա լիազորությունների կասեցման հիմք հանդիսացած քրեական վարույթի ավարտը:

Հիշեցնենք, որ ապրիլի 15–ին ՀՀ Բարձրագույն դատական խորհրդի նախագահ Ռուբեն Վարդազարյանի լիազորությունները կասեցվել էին թե՛ որպես ԲԴԽ նախագահ, թե՛ որպես դատավոր։

Գագիկ Ջհանգիրյանը ԲԴԽ անդամների հետ այցելել է դատարաններ, հանդիպել դատավորների հետ

Վարդազարյանի դեմ քրեական գործ էր հարուցվել։

Հավելենք, որ ԲԴԽ նախագահի պարտականությունները ժամանակավորապես կատարում է Գագիկ Ջհանգիրյանը։

Ըստ թեմայի

Դատական համակարգը կհամալրվի նոր կադրերով. Փաշինյանը երազանքի դատարան ունենալու հույս ունի
ԲԴԽ նախագահ Ռուբեն Վարդազարյանի լիազորությունները կասեցվել են
Ինչի համար պատժվեց ԲԴԽ նախագահը, և ով է լինելու հաջորդ թիրախը. «Ժողովուրդ»
թեգերը:
Բարձրագույն դատական խորհուրդ (ԲԴԽ), Ռուբեն Վարդազարյան

Գլխավոր թեմաներ