https://arm.sputniknews.ru/20210907/az-patgamavor-gexam-manukyan-cec-qrgorc-28919527.html

ԱԺ պատգամավոր Գեղամ Մանուկյանին ծեծի ենթարկելու դրվագով քրեական գործ է հարուցվել

ԱԺ պատգամավոր Գեղամ Մանուկյանին ծեծի ենթարկելու դրվագով քրեական գործ է հարուցվել

Sputnik Արմենիա

Ազգային ժողովում օգոստոսի 24–ին և 25–ին տեղի ունեցած իրադարձությունների մասով քրեական գործ հարուցելու դիմումը մերժվել է։ 07.09.2021, Sputnik Արմենիա

2021-09-07T15:58+0400

2021-09-07T15:58+0400

2021-09-07T16:09+0400

հայաստան

հասարակություն

գեղամ մանուկյան

ծեծ

քրեական գործ

աժ (ազգային ժողով)

պատգամավոր

https://cdn.am.sputniknews.ru/img/07e5/08/03/28532636_0:0:1600:906_1920x0_80_0_0_5f57cf29d16ca639630298e3cb28a265.jpg

ԵՐԵՎԱՆ, 7 սեպտեմբերի - Sputnik․ Ազգային ժողովում «Հայաստան» դաշինքի պատգամավոր Գեղամ Մանուկյանին օգոստոսի 25–ին ծեծի ենթարկելու դրվագով քրեական գործ է հարուցվել։ Sputnik Արմենիայի հետ զրույցում տեղեկությունը հայտնեց Հատուկ քննչական ծառայության մամուլի խոսնակ Մարինա Օհանջանյանը։Քրեական գործը հարուցվել է ՀՀ քրեական օրենսգրքի 118-րդ հոդվածով (ծեծը)։Ինչ վերաբերում է օգոստոսի 24-ին Ազգային ժողովում տեղի ունեցած դեպքերին, դրանց վերաբերյալ դեռ նյութեր են նախապատրաստվում։Հիշեցնենք` օգոստոսի 24-ին «Պատիվ ունեմ» խմբակցության անդամ Աննա Մկրտչյանը վարչապետ Նիկոլ Փաշինյանին հարց ուղղելիս փորձեց ներկայացնել նաև, իր խոսքով, «դահլիճում տիրող իրավիճակը»։ Մկրտչյանն ասաց` նա իր հետ դահլիճ է բերել «ախռաննիկների», որոնք երբևէ ԱԺ չեն մտել։Դրանից հետո ԱԺ նախագահ Ալեն Սիմոնյանը պահանջեց, որ «Պատիվ ունեմ» խմբակցության անդամ Աննա Մկրտչյանը լքի նիստերի դահլիճը։ Իսկ երբ վերջինը հրաժարվեց անել դա, անվտանգության աշխատակիցներին հրահանգեց պատգամավորին դուրս ուղեկցել։Այս հայտարարությունից հետո ընդդիմադիր պատգամավորները մոտեցան Աննա Մկրտչյանին` փորձելով թույլ չտալ անվտանգության աշխատակիցներին դուրս հանել նրան։Դահլիճում սկսված իրարանցումից հետո Ալեն Սիմոնյանը 20 րոպե ընդմիջում հայտարարեց։Ընդմիջման ժամանակ պատգամավորների ու անվտանգության աշխատակիցների միջև ծեծկռտուք սկսվեց, որի ժամանակ պատռվեց «Հայաստան» խմբակցության քարտուղար Արծվիկ Մինասյանի վերնաշապիկը։ Լրագրողների հետ զրույցում Մինասյանը հայտնեց, որ հարվածել են իր ճակատին և ոտքերին։Օգոստոսի 25–ին ԱԺ–ում մի քանի անգամ քաշքշուկ եղավ։ ՔՊ-ական պատգամավոր Հայկ Սարգսյանի վրա (ավելի հայտնի որպես «Շիշ բռնող») ընդդիմության ներկայացուցիչները շշեր շպրտեցին, քանի որ Սարգսյանը, ակնարկելով «Հայաստան» դաշինքի ղեկավար, ՀՀ պաշտպանության նախկին նախարար Սեյրան Օհանյանին, ասաց, որ «ոչ մի նախկին ՊՆ ղեկավար, որի օրոք մարդիկ փողով ազատվել են բանակից, իրավունք չունի խոսելու»։Դրանից հետո Օհանյանը Սարգսյանի ուղղությամբ շիշ նետեց։ Սարգսյանը վերցրեց այդ շիշն ու հետ շպրտեց։ Ուղիղ եթերն ընդհատվեց։Հետո, «Հայաստան» խմբակցության պատգամավոր Վահե Հակոբյանի ելույթի ժամանակ, երբ նա կառավարության ծրագրի մասին էր խոսում, իշխանության ներկայացուցիչներից մեկը տեղից ասաց. «Այդ ծրագիրը քեզ ենք կերցնելու, արա՛»։ Դրան Հակոբյանն արձագանքեց` ասելով. «Արան դո՛ւ ես, այ տղա»։ Դարձյալ լեզվակռիվ և քաշքշուկ սկսվեց, և նիստն ընդմիջվեց ԱԺ նախագահի կարգադրությամբ։Քաշքշուկների արդյունքում ԱԺ «Հայաստան» խմբակցության պատգամավոր Գեղամ Նազարյանին Ազգային ժողովից շտապօգնության մեքենայով տեղափոխեցին հիվանդանոց։ Նա վնասվածք ուներ աչքի շրջանում։Հրաչյա Հակոբյանին անվտանգության աշխատակիցները դուրս բերեցին ԱԺ նիստերի դահլիճից. տեսանյութ

https://arm.sputniknews.ru/20210824/aj-um-tseckrtuqi-jamanak-patrvec-artsvik-minasyani-vernashapiky-28766186.html

https://arm.sputniknews.ru/20210825/hayk-satgsyan-bacatrec-te-inchic-sksvec-baxum-manukyan-xostacav-anun-haytnel-28775927.html

2021

Լուրեր

am_HY

հայաստան, հասարակություն , գեղամ մանուկյան, ծեծ, քրեական գործ, աժ (ազգային ժողով), պատգամավոր