12:14 22 մայիսի 2018
Ուղիղ եթեր
Սեյրան Նիկողոսյան

Սեյրան Նիկողոսյան. Փորձն ու հուզմունքը չար կատակ խաղացին Հրաչ Բաբայանի հետ

© Sputnik / Ani Mejlumyan
Սպորտ
Ստանալ կարճ հղումը
3811

Օգոստոսի 8-ին Հայաստանի օլիմպիական հավաքականի կազմում հանդես եկավ հրաձիգ Հրաչյա Բաբայանը: Ակնկալիքները բավականին մեծ էին նրա ելույթից, սակայն երիտասարդ մարզիկը չկարողացավ ցուցադրել իր իրական հնարավորությունները:

ԵՐԵՎԱՆ, 8 օգոստոսի — Sputnik. Հրաչիկ Բաբայանը վաստակեց 621.5 միավորը, ինչը, մասնագետների կարծիքով, ոչ մի կերպ չի արտահայտում նրա իրական հնարավորությունները:

Հայ մարզիկից մեծ սպասելիքներ ուներ նաև մարզիչ Սեյրան Նիկողոսյանը, որը մրցումներից հետո շատ հուզված էր և, տեսնելով վերջնական արդյունքը, նույնիսկ արտասվեց:

Սակայն անգամ այս իրավիճակում մարզիչը խոսեց Sputnik Արմենիայի թղթակցի հետ։

«Հրաչիկը շատ լավ պատրաստ էր: Բարձր արդյունքի էր պատրաստ: Փորձն ու հուզմունքը իրենց դերն ունեցան: Ոչ մի, այլ շատ կրակոցներ Հրաչիկը չկարողացավ լավ կատարել ու յուրաքանչյուր կրակոցի ժամանակ տասնորդական միավորների կորուստը, ի վերջո, չար կատակ խաղացին վերջնական արդյունքի վրա: Ափսոս, բայց ինչ կարող ենք անել: Հրաչիկ Բաբայանը երիտասարդ է, դեռ կարող է արդյունքի հասնել: Ամեն ինչ առջևում է»:

Նշենք, որ Բաքվում 2015 թվականին կայացած Եվրոպական խաղերի ժամանակ Հրաչյա Բաբայանը ցույց էր տվել 629.3 արդյունք, ինչը հիմա կարող էր եզրափակիչի ուղեգիր ապահովել:

Գլխավոր թեմաներ