12:25 22 հունվարի 2018
Ուղիղ եթեր
Հուրի Գեբեշյան

The Wall Street Journal-ը՝ Հուրի Գեբեշյանի մասին

© Facebook page
Սպորտ
Ստանալ կարճ հղումը
32 0 0

Ամերիկահայ Հուրի Գեբեշյանը փորձում է կանանց սպորտային մարմնամարզության քարտեզին նշել Հայաստանը, գրում է ամերիկյան The Wall Street Journal-ը՝ անդրադառնալով Ռիոյի Օլիմպիական խաղերին մասնակցած մարզուհուն:

ԵՐԵՎԱՆ, 8 օգոստոսի — Sputnik. Օլիմպիական խաղերում Հուրի Գեբեշյանի ելույթը պատմական էր հայկական սպորտի համար, քանի որ առաջին հայ մարմնամարզուհին էր, որը նվաճել էր Խաղերին մասնակցելու իրավունք և ներկայացնում էր Հայաստանը:

«Հայկական սփյուռքի համակրանքի մրցանակն անկասկած բաժին կհասնի Հուրի Գեբեշյանին: 27-ամյա բուժաշխատողը Քլիվլենդից է և Օսմանյան Թուրքիայում հայերի ցեղասպանությունից փրկվածի թոռ: Գեբեշյանի ծնողները Լիբանանից են: Նա Ռիոյում իրականացրեց երազանքը՝ մասնակցելով իր մարզական կյանքի ամենախոշոր մրցմանը և ամեն մրցելույթից հետո համբուրեց գործիքը՝ հրաժեշտ տալով կարիերային»,- գրում է The Wall Street Journal-ը:

Գեբեշյանը կատարեց նոր հնարք, որը կկոչվի նրա անունով: Զուգահեռ պտտաձողերի վրա վարժությունը սկսելուց անմիջապես հետո նա հրվեց ցածր պտտաձողից, շրջադարձ կատարեց 360 աստիճան և ցատկելով կախվեց բարձր պտտաձողից: Այդ տարրը նրա նորամուծությունն է:

Երկրպագուները սուլեցին մրցավարներին՝ համարելով, որ ցածր են գնահատել Գեբեշյանի կատարումը:

Օլիմպիական մրցելույթին Հուռին ներկայացավ սպիտակ համազգեստով, որի վրա ուրվագծված էր Արարատ լեռը՝ Հայաստանի խորհրդանիշը, որը Թուրքիայի տարածքում է: Նա նաև հիշեցրեց, որ իր տատն ու պապը վերապրել են Ցեղասպանությունը, ինչի հետևանքով ծնողները ծնվել են Լիբանանում:

«Ելույթից հետո Գեբեշյանը լուսանկարվեց և զրուցեց Ռուսաստանի ներկայացուցիչ Սեդա Թութխալյանի հետ: Զրույցը բարդացրեց այն փաստը, որ նրանք լավ չգիտեն հայերեն»,- գրել է պարբերականը:

Նշենք, որ Հուրի Գեբեշյանը չի հաղթահարել որակավորման փուլի արգելքը և ավարտել է օլիմպիական պայքարը:

Գլխավոր թեմաներ