03:52 24 հոկտեմբերի 2018
Ուղիղ եթեր
  • USD484.35
  • GBP629.32
  • EUR556.13
  • RUB7.42
Լեռնագնացներն Արարատի գագաթին

Հայերը նվաճում են աշխարհի ամենաբարձր գագաթները

Армянская федерация альпинизма
Սպորտ
Ստանալ կարճ հղումը
5810

Այսօր նշվում է Ալպինիզմի միջազգային օրը կամ Ալպինիստի օրը, որ միավորում է հոգով ուժեղ մարդկանց։

ԵՐԵՎԱՆ, 9 օգոստոսի — Sputnik. Հայաստանում կան լեռնագնացներ, որոնք պատրաստ են նվաճել ծովից 8000 մետր բարձրության վրա գտնվող բարձունքները, Sputnik Արմենիային ասաց Հայաստանի Ալպինիզմի ֆեդերացիայի անդամ Նարինե Ճաղարյանը։

Այս տարվա օգոստոսի կեսին նա պատրաստվում է նվաճել Լենինի գագաթը (Ղազախստան, 7134 մետր)։

Նրա խոսքով, ութ հազար մետր բարձրություն ունեցող տեխնիկապես բարդ գագաթներին հասնելու համար անհրաժեշտ է հատուկ նախապատրաստություն։

«Մենք այսօր էլ ունենք ալպինիստներ, որոնք պատրաստ են նվաճել նման գագաթներ։ Այս տարվա լեռնագնացությունները ցույց տվեցին, որ նախապատրաստության մակարդակը կախված է ժամանակից», — ասաց Ճաղարյանը։

Եվս մեկ արգելք է ֆինանսների բացակայությունը։ Եթե լինի ֆինանսական աջակցություն, ապա մեր ալպինիստները կսկսեն պատրաստվել ութ հազար մետր բարձրությամբ բարձունքների նվաճմանը։

Ճաղարյանը նշեց, որ հայ ալպինիստները պետք է նվաճեն այլ երկրների բարձունքները, քանի որ Հայաստանի լեռները թույլ չեն տալիս զգալ լեռնային բարձունքների և գագաթների բոլոր բարդությունները, որոնք պետք է սովորել հաղթահարել։

«Օրինակ, մեր Արագած լեռան բարձրությունը կազմում է ընդամենը 4090 մետր ծովի մակարդակից։ Այն կլիմայական ադապտացիայի հնարավորություն է տալիս, բայց ինչ վերաբերում է բարդ տեխնիկական նախապատրաստման յուրացմանը, ապա ավելի լավ է մեկնել այլ երկրներ»,- ասաց Ճաղարյանը։

Այն հարցին, թե պատրաստ են արդյոք սփյուռքի հայ ալպինիստները միություն ստեղծել Հայաստանի գործընկերների հետ, Ճաղարյանը նշեց, որ վատ չէր լինի զբաղվել այդ գործով։

«Դա լավ հարց է, և ես արդեն սկսել եմ մտածել այդ մասին։ Տվյալ պահին քայլեր են կատարվում տեղի և արտասահմանյան ալպինիստներին միավորելու համար։ Մենք փորձում ենք աջակցել

ալպինիստներին, որոնք գտնվում են Հայաստանի սահմաններից դուրս»։

Ալպինիզմի ֆեդերացիան նամակ է գրել վարչապետին, որպեսզի նա ինչ-որ կերպ խրախուսի բարձունքներ, հատկապես Էվերեստը նվաճած ալպինիստներին։ Արդյունքում սպորտի և երիտասարդության հարցերի նախարար Գաբրիել Ղազարյանն ալպինիստներին շնորհակալագրեր է հանձնել։

Այս բոլոր քայլերն ուղղված են ողջ աշխարհի հայ ալպինիստներին միավորելուն։ Ալպինիզմի ֆեդերացիայի ծրագրերի մեջ է մտնում այս տարվա հոկտեմբերին հայ ալպինիստներին, որոնք նվաճել են Էվերեստը, մի սեղանի շուրջ հավաքելը և հաղթանակները տոնելը։

Գլխավոր թեմաներ