23:54 18 օգոստոսի 2017
Ուղիղ եթեր
Հենրիխ Մխիթարյան

Մխիթարյանի վերադարձը «Բորուսիա» բացառված է

CHRISTOF STACHE / AFP
Սպորտ
Ստանալ կարճ հղումը
21 0 0

Դորտմունդի «Բորուսիայի» գործադիր տնօրեն Հանս-Իոահիմ Վատցկեն բացառել է Հայաստանի հավաքականի կիսապաշտպան Հենրիխ Մխիթարյանի հնարավոր վերադարձն անգլիական «Մանչեսթեր Յունայթեդից»:

ԵՐԵՎԱՆ, 17 հոկտեմբերի — Sputnik. 27-ամյա ֆուտբոլիստը Պրեմիեր լիգա է տեղափոխվել ամռանը, սակայն դեռ չի կարողանում հաստատվել թիմի հիմնական կազմում:

«Ցանկացած խելամիտ ֆուտբոլիստ պետք է նախօրոք մտածի այն միջավայրի մասին, որտեղ տեղափոխվելու է: Երբ հանդես ես գալիս «Բորուսիայի» նման ակումբում, ու քեզ մոտ սկսվում է ամեն ինչ ստացվել, այդ ամենը թողնելն ու այլ թիմ հեռանալը տարօրինակ է»,- ասել է Վատցկեն:

Նրա խոսքով` իրենք պետք է համակերպվեն համաշխարհային մակարդակի ֆուտբոլիստների՝ Հումելսի, Գյունդողանի ու Մխիթարյանի հեռանալու հետ:

«Մխիթարյանի վերադարձը «Բորուսիա» բացառված է»,- Վատցկեի խոսքը մեջբերում է «Kicker»-ը:

 

Գլխավոր թեմաներ