14:33 18 հոկտեմբերի 2018
Ուղիղ եթեր
  • USD483.90
  • GBP635.94
  • EUR559.68
  • RUB7.38
Վանաձորի ֆուտբոլի ակադեմիան

Վանաձորցիները գիտեն՝ ինչն իրենց կօգնի հաջողակ ֆուտբոլ խաղալ

© Sputnik / Gohar Sargsyan
Սպորտ
Ստանալ կարճ հղումը
5010

Հայկական ֆուտբոլի ռազմավարական զարգացման ծրագրի շրջանակում Վանաձորում շահագործման է հանձնվել ֆուտբոլի ակադեմիան:

ԵՐԵՎԱՆ, 29 հոկտեմբերի-Sputnik. Վանաձորցիներն ուզում են վերականգնել ֆուտբոլային ավանդույթները: Եթե նախկինում նրանք հաջողակ էին ֆուտբոլում, ապա տարիների ընթացքում հնացած մարզադաշտը, անմխիթար պայմաններում մարզվելը ստիպել էր նահանջել:

Футбольная академия Ванадзора
© Sputnik / Gohar Sargsyan
Վանաձորում բացվել է ֆուտբոլի ակադեմիա

Այսօր Վանաձորում շահագործման հանձնվեց ֆուտբոլի ակադեմիան: Մտնում ես ընդարձակ խաղադաշտ և առաջին հերթին տպավորվում երեխաների փայլուն աչքերով ու եռանդուն մարզումներով: Տվել են հնարավորություն, միջազգային չափորոշիչներին համապատասխան խաղադաշտ, նրանք էլ խոստանում են հաջողակ դառնալ ֆուտբոլում:

«Ես բարձրացնելու եմ հայ ֆուտբոլիստի անունը: Դառնալու եմ լավ ֆուտբոլիստ՝ ՀենրիխՄխիթարյանի նման»,-ասաց մարզվողներից մեկը:
Մեծ էր ոգևորությունը նաև մարզիչների շրջանում:

«Մեր երազանքն էր, որ իրականացվեց: Վանաձորցիներն ուրախության մեջ են։ Վանաձորցին՝ լոռեցին, ֆուտբոլ շատ է սիրում: 350 երեխա այսօր արդեն անդամագրված են և ուզում են մարզվել: Տա Աստված՝ սա լինի հիմք, որ վաղն ունենաք քաղաքային գեղեցիկ մարզադաշտ»,-ասաց Սամվել Սաֆարյանը:

Футбольная академия Ванадзора
© Sputnik / Gohar Sargsyan
Վանաձորի պատանի ֆուտբոլիստները

Վանաձորի ֆուտբոլի ակադեմիայի ուսումնական մասի վարիչ Արմեն Փիրումյանն էլ շեշտեց՝ ոչ պաշտոնապես ակադեմիան բացվել է սեպտեմբերի 15-ին ու արդեն ունեն մարզվող 150 երեխա: Կարող են մինչև 500 երեխայի միաժամանակ մարզել:

«Հիմա մարզիչների աշխատանքն էլ է փոխվել, ավելի եռանդով են աշխատում: Ասել եմ, որ մենք ունեցել ենք լավ տղաներ, իսկ գրավականը մեր հիասքանչ սարերն ու ձորերը, թարմ օդն են»,-ասաց նա:

Սա համատեղ ներդրումային ծրագիր է: Արժեքը շուրջ 1,133 միլիարդ դրամ է, որից 982,17 միլիոն դրամը տրամադրել է Հայաստանի ֆուտբոլի ֆեդերացիան, իսկ 150,83 միլիոն դրամը՝ ՈՒԵՖԱ-ն:

Футбольная академия Ванадзора. Армен Пирумян
© Sputnik / Gohar Sargsyan
Վանաձորի ֆուտբոլի ակադեմիայի ուսումնական մասի վարիչ Արմեն Փիրումյան

Վանաձորի ֆուտբոլի ակադեմիայի եռահարկ մասնաշենքն ունի կահավորված մարզչական սենյակներ, հանդերձարաններ, սանհանգույցներ, ցնցուղարաններ, դասասենյակ-լսարան, բժշկական սենյակ և այլն:

Այստեղ աշխատանքով ապահովված կլինի 35-40 մարդ՝ 130-150 դրամ միջին աշխատավարձով: Այսօր նախագահ Սերժ Սարգսյանը Վանաձորում իր աշխատանքային այցի շրջանակում եղել է նաև ֆուտբոլի ակադեմիայում

Գլխավոր թեմաներ