ԵՐԵՎԱՆ, 28 հունվարի — Sputnik. Եվգենիա Մեդվեդևան դարձել է Եվրոպայի չեմպիոն՝ համաշխարհային երկու ռեկորդ սահմանելով: Այս մասին նշված է Չմշկորդների միջազգային միության կայքում:
Մեդվեդևան ազատ ծրագրում ստացել է 150.79 միավոր, ընդհանուր առմամբ վաստակել է 229.71 միավոր: Ռուս գեղասահորդուհին դարձել է Եվրոպայի կրկնակի չեմպիոն:
Ինչպես հաղորդում է Չմշկորդների միջազգային կայքը, երկու ցուցանիշներն էլ ռեկորդային են:
Արծաթե մեդալ է նվաճել իտալացի Կարոլինա Քոստները (219.52 միավոր), բրոնզե մեդալ՝ մեկ այլ ռուսաստանցի Աննա Պոգորիլոն (211.39 միավոր):
17-ամյա Մեդվեդևան աշխարհի և Եվրոպայի գործող չեմպիոն է կանանց մենասահքում: 2016-2017թթ-ին հաղթանակներ է տարել Կանադայի և Ֆրանսիայի մրցաշարերում: Մեդվեդևան համարվում է 2018թ-ի ձմեռային օլիմպիական խաղերի ոսկու գլխավոր հավակնորդներից մեկը: Աղջկա հայրն Արման Բաբասյանն է; Որոշ տվյալներով՝ աղջիկը վերցրել է մորական տատի ազգանունը: Մեդվեդևային մարզում է վրացի Էթերի Տուտբերիձեն: Գեղասահքի Եվրոպայի առաջնությունն ընթանում է չեխական Օստրավում հունվարի 25-29-ը:
