15:00 23 հոկտեմբերի 2018
Ուղիղ եթեր
  • USD484.13
  • GBP630.63
  • EUR556.80
  • RUB7.41
Լևոն Ջուլֆալակյան

Լուրերը սուտ են. ըմբշամարտի ֆեդերացիան ու ըմբիշները աշխատավարձի խնդիր չունեն

© Sputnik / Asatur Yesayants
Սպորտ
Ստանալ կարճ հղումը
43 0 0

«Ժողովուրդ» օրաթերթում հրապարակված տեղեկությունն այն մասին, որ Հայաստանի ըմբշամարտի ֆեդերացիան չի վճարում մարզիչների ու ըմբիշների աշխատավարձերը, իսկույն արձագանք գտավ։ Ըմբշամարտի ներկայացուցիչները Sputnik Արմենիա մամուլի կենտրոնում հայտարարեցին, որ այդ տեղեկությունը սուտ է։

ԵՐԵՎԱՆ, 28 փետրվարի — Sputnik. Հունահռոմեական ոճի ըմբշամարտի Հայաստանի ազգային հավաքականի գլխավոր մարզիչ Լևոն Ջուլֆալակյանը նշեց, որ զարմանք ու հիասթափություն է ապրել, երբ առավոտյան կարդացել է ըմբիշների ու մարզիչների աշխատավարձերը չվճարելու մասին լուրը։

«Չեմ հասկանում, թե որտեղից այդ լուրերը ու ինչու են հրապարակում, եթե դրա համար ոչ մի հիմք չկա: Ամեն ինչ սուտ է: Ֆեդերացիան ժամանակին վճարում է բոլորի հասանելիք գումարները»,- ասաց նա:

Նմանատիպ կարծիք հայտնեց նաև Հայաստանի ըմբշամարտի ֆեդերացիայի փոխնախագահ Հրանտ Ենոքյանը։

«Զարմանք ես ապրում, երբ նման բաներ ես կարդում: Ըմբշամարտի ֆեդերացիան միշտ էլ գործել է թափանցիկ ու ամեն տարի հաշվետվություն է ներկայացրել: Մեր մոտ երբեք չեն կարող լինել ֆիքսված գումարներ: Կախված մարզիկների հաջողություններից ու հավաքների քանակից` ֆինանսական ծախսերը միշտ էլ տարբեր են լինում: Բացի այդ, ֆեդերացիայի նախագահ Սամվել Կարապետյանը պարգևատրում և ֆինանսավորում է ոչ միայն ըմբիշներին, այլ նաև շատ այլ մարզաձերի ներկայացուցիչների»,- ասաց նա:

Грант Енокян
© Sputnik / Asatur Yesayants
Հրանտ Ենոքյան

Նույնը կրկնեցին նաև մարզիչներ Սամվել Գևորգյանն ու Գևորգ Ալեքսանյանը: Ասուլիսին ներկա ճանաչված ըմբիշներից (Արթուր Ալեքսանյան, Արսեն Ջուլֆալակյան, Կարապետ Չալյան, Վարշամ Բորանյան) իր խոսքով հանդես եկավ օլիմպիական խաղերի արծաթե մեդալակիր, աշխարհի և Եվրոպայի չեմպիոն Արսեն Ջուլֆալակյանը։

«Հայաստանում ըմբշամարտը վերելք է ապրում ու ֆինանսական ոչ մի խնդիր չունի: Ցավոք, կան այլ ու շատ բնագավառներ, որտեղ և առաջընթացի ու ֆինանսավորման խնդիրներ կան: Հրապարակումից հետո մենք հիմա պարզապես ստիպված ենք փաստել այն լավը, որը կա ըմբշամարտի ֆեդերացիայում, չնայած որ չենք սիրում անել դա»:

Ըստ թեմայի

Ըմբշամարտի ֆեդերացիան ֆինանսական խնդիրներ չունի, լուրերը ստահոդ են

Գլխավոր թեմաներ