ԵՐԵՎԱՆ, 24 մարտի — Sputnik. Հայաստանը աշխարհի առաջնությունում ներկայացված է լինելու երեք մրցաձևում: Այս մասին հայտնում է Հայաստանի ազգային օլիմպիական կոմիտեի մամուլի ծառայությունը։
Մենասահքում հանդես կգան Սլավիկ Հայրապետյանը և Անաստասիա Գալուստյանը, իսկ պարային զույգերի մրցապայքարում՝ Թինա Կարապետյան/Սիմոն Պրու Սենակալ երկյակը:
«Օլիմպիական խաղերին մասնակցելու համար մարզիկները պետք է ընդգրկվեն 20 ուժեղագույնների ցանկ,- ՀԱՕԿ լրատվականի հետ զրույցում ասել է գեղասահքի ֆեդերացիայի նախագահ Մելանյա Ստեփանյանը,- բարդ խնդիր է, բայց մենք կպայքարենք»:
Նրա խոսքով` Փխենյան 2018-ին մասնակցելու երկրորդ և վերջին հնարավորությունն այս տարվա սեպտեմբերին Գերմանիայում կայանալիք ընտրական մրցաշարն է:
