ԵՐԵՎԱՆ, 31 մարտի — Sputnik. Հենրիխ Մխիթարյանը ստացել է 7 գնահատականը (10 միավորանոց համակարգով):
«Մխիթարյանը արդարացրել է «Յունայթեդի» անցումը 4-2-3-1-ին, որը կիրառվում է ընթացիկ մրցաշրջանում և կարող է փայլել աջից, ձախից ու կենտրոնից: Նա վերադարձավ աքսորից ու մի քանի վնասվածքներից հետո»,- գրել է Manchester Evening News-ը:
Նույն գնահատականն են ստացել նաև Դավիդ Դե Խեան, Սերխիո Ռոմերոն և Մարկո Ռոխոն, իսկ ամենաբարձր գնահատականը ստացել են Անտոնիո Վալենսիան, Խուան Մատան ու Զլատան Իբրահիմովիչը:
Հենրիխ Մխիթարյանը «Մանչեսթեր Յունայթեդ» է տեղափոխվել 2016 թվականին: Նրա տեղափոխման համար անգլիական ակումբը 42 միլիոն եվրո է վճարել: