ԵՐԵՎԱՆ, 6 մայիսի — Sputnik. Հայաստանը կներկայացնեն Գևորգ Ղարիբյանը (59 կգ), Կարեն Ասլանյանը (66 կգ), օլիմպիական չեմպիոն Արթուր Ալեքսանյանը (98 կգ) և Վաչիկ Եղիազարյանը (130 կգ)։
Ղարիբյանը, Ասլանյանն ու Եղիազարյանը պայքարը կսկսեն 1/8 եզրափակչից, որտեղ համապատասխանաբար կմրցեն Տալեհ Մամադովի (Ադրբեջան), Աթական Յուկսելի (Թուրքիա) և Նիկոլաոս Լեոնի (Գերմանիա) հետ։
Արթուր Ալեքսանյանը վիճակահանության արդյունքում կմեկնարկի որակավորման փուլից, որտեղ կմրցի Վիլիուս Լաուրինաիտիսի (Լիտվա) հետ։