23:03 28 հունիսի 2017
Ուղիղ եթեր
Հայաստանի ուշուիստները Եվրոպայի առաջնությունում ութ մեդալ են ապահովել

Ավանդական ուշուի Եվրոպայի առաջնությանը հայ ուշուիստներն արդեն ութ մեդալ են նվաճել

© armnoc
Սպորտ
Ստանալ կարճ հղումը
11 0 0

Ավանդական ուշուի Եվրոպայի մեծահասակների և պատանիների առաջնությանը հայ ուշուիստները վին-չունից երկու մեդալ են նվաճել` Կարո Կարապետյանը դարձել է արծաթե մեդալիր, իսկ Սայաթ Բաղդասարյանը արժանացել է բրոնզե մեդալի:

ԵՐԵՎԱՆ, 18 մայիսի — Sputnik. Մայիսի 17-ից 20-ը Թբիլիսիում ընթացող ավանդական ուշուի Եվրոպայի մեծահասակների, երիտասարդների (մինչև 18 տարեկաններ) և պատանիների (մինչև 16 տարեկաններ) առաջնությանը մասնակցում է ավելի քան 800 մարզիկ մայրցամաքի 28 երկրներից: Այս մասին տեղեկացնում է ՀԱՕԿ-ի պաշտոնական կայք էջը։

Հայաստանի հավաքականը ներկայացնում է 14 ուշուիստ, որոնք մրցում են ցինդա (7 մարզիկ), տաոլու (շարժողական վարժությունների համալիր, 5 մարզիկ) և վին-չուն (2 մարզիկ) դիսցիպլիններում:

Ավանդական ուշուի Հայաստանի ֆեդերացիայի նախագահ Տիգրան Չոբանյանը ՀԱՕԿ լրատվականի հետ զրույցում հայտնել է, որ հայ ուշուիստները վին-չունից երկու մեդալ են նվաճել` Կարո Կարապետյանը (65 կգ, մեծահասակներ) դարձել է արծաթե մեդալիր, իսկ Սայաթ Բաղդասարյանը արժանացել է բրոնզե մեդալի (մեծահասակներ, շարժողական վարժությունների համալիր):

Սվետլանա Մոսոյանը նվաճել է տաոլուի Եվրոպայի չեմպիոնի տիտղոսը (մեծահասակներ), իսկ Արմեն Համբարձումյանը զբաղեցրել է 2-րդ հորիզոնականը (մեծահասակներ):

Ցինդայում մեր չորս մարզիկները մտել են եզրափակիչ և կպայքարեն ոսկե մեդալի համար. Նրանք են` Արսեն Բաղրյան (48 կգ, պատանիներ), Վարդան Դանիելյան (56 կգ, երիտասարդներ), Հայկ Գասպարյան (56 կգ, մեծահասակներ) և Ռեբեկա Բալասանյան (65 կգ, երիտասարդներ):

Այսպիսով, անկախ եզրափակչի արդյունքներից, հայ ուշուիսներն ապահովել են ութ մեդալ: Եվրոպայի առաջնությունը կավարտվի մայիսի 19-ին, իսկ հաջորդ օրը կկայանա պարգեւատրման և մրցաշարի փակման արարողությունը:

 

Գլխավոր թեմաներ