ԵՐԵՎԱՆ, 14 հունիսի — Sputnik. Նորվեգիայի Ստավանգեր քաղաքում ավարտվող «Norway Chess» շախմատային գերմցաշարի 7-րդ տուրում Լևոն Արոնյանը սևերով հաղթեց ռուսաստանցի Սերգեյ Կարյակինին: Ռուս գրոսմայստերն իր պարտությունն ընդունեց 41-րդ քայլում:
Այս հաղթանակի շնորհիվ Արոնյանը վաստակեց 5 միավոր և, ամենայն հավանականությամբ, միանձնյա կգլխավորի մրցաշարային աղյուսակը, քանի որ 4 միավոր ունեցող ամերիկացի Հիկարու Նակամուրան հավանաբար ոչ-ոքի կավարտի Վիշի Անանդի հետ պարտիան:
Այս մրցաշարի ընթացքում Լևոն Արոնյանը հաղթել է նաև աշխարհի չեմպիոն Մագնուս Կարլսենին և ռուս Վլադիմիր Կրամնիկին:
