Ազատ ոճի ըմբիշ Կարեն Զուրաբյանը` Եվրոպայի երիտասարդական առաջնության բրոնզե մեդալակիր

ԵՐԵՎԱՆ, 28 հունիսի — Sputnik. Հայաստանի հավաքականի ներկայացուցիչ Կարեն Զուրաբյանը (50 կգ) Եվրոպայի երիտասարդական առաջնությունում նվաճեց բրոնզե մեդալ:

Մեկնարկային գոտեմարտում մեր ըմբիշը զիջեց ՌԴ-ն ներկայացնող Մուհամմադհոն Մուխիդդին-Զադեին (3:13): Այնուհետև ռուս ըմբիշը հասավ եզրափակիչ և Զուրաբյանը սփոփիչ գոտեմարտերում պայքարեց բրոնզի համար: Սկզբում նա հաղթեց Բելառուսը ներկայացնող Վլադիսլավ Կոյկային (10:0), իսկ որոշիչ գոտեմարտում ոչ մի շանս չթողեց թուրք Էնգին Չեթինին (11:4):

Եզրափակչում ռուս ըմբիշը հաղթեց ադրբեջանցի Շախին Մուխտարովին (5:1): Երկրորդ բրոնզե մեդալը բաժին հասավ Գերմանիայի ներկայացուցիչ Հորստ Լեգրին:

Մեր մյուս ըմբիշները՝ Վարդգես Կարապետյանը (60 կգ), Արման Ավագյանը (74 կգ) և Սարգիս Հովսեփյանը (96 կգ) չկարողացան մեդալ նվաճել:

Հունիսի 28-ին գորգ կմտնեն Արսեն Հարությունյանը (55 կգ), Գևորգ Մխեյանը (66 կգ), Հովհաննես Մխիթարյանը (84 կգ), Հովհաննես Մաղաքյանը (120 կգ):