05:54 20 փետրվարի 2018
Ուղիղ եթեր
Ռոբերտո Կառլոս

Բազմազավակ Կառլոսը, Մեսսիի նոր ռեկորդը, Նադալի ավարտած ելույթները

© AFP 2018/ KIRILL KUDRYAVTSEV
Սպորտ
Ստանալ կարճ հղումը
24 0 0

Sputnik Արմենիան ներկայացնում է մարզաշխարհին վերաբերող ուշագրավ լուրեր, որոնք տեղի են ունեցել վերջին օրերի ընթացքում։

Sputnik Արմենիայի ծաղկաքաղում տեղ գտած լուրերը վերաբերում են ֆուտբոլին թենիսին, շախմատին ու օլիմպիական խաղերին։

Խաչիկ Չախոյան, Sputnik.

Ռոբերտո Կառլոսը հայր դարձավ իններորդ անգամ

Հուլիսի 9-ին բրազիլացի հանրահայտ ֆուտբոլիստ Ռոբերտո Կառլոսի ընտանիքում ևս մեկ երեխա ծնվեց: Շատերի համար սա սովորական ուրախալի լուր է, բայց Ռոբերտո Կառլոսի պարագայում, անկասկած, արտասովոր: Հարցը այն չէ, որ աղջիկ է ծնվել: Պարզապես փոքրիկը Կառլոսի իններորդ զավակն է: 44-ամյա բրազիլացին շատ շուտով կարող է հպարտանալ ընտանեկան թիմով: Առաջին ամուսնությունից Ռոբերտոն ուներ երկու աղջիկ և մեկ տղա՝ Ռոբերտան, Ջովանան և Ռոբերտո Կառլոս կրտսերը, Կառլոսը հետևում է նաև այլ կանանցից ծնված Էդուարդոյի, Ռեբեկայի, Քրիստոֆերի, Լուկայի և Մանուելայի կյանքին: Իսկ հիմա հոր իրավունքները կսահմանվեն Մարինայի համար:

Լիոնել Մեսսիի նոր աշխատավարձը՝ նոր ռեկորդ

Լիոնել Մեսսին «Բարսելոնայից» չի հեռանա: Արգենտինացու հեռանալու մասին շատ հոդվածներ են գրվել, ու երբ նշվում էր, որ Մեսսիին ցանկանում է ձեռք բերել Պեպ Գվարդիոլան կամ «Մանչեսթեր Սիթին», այդ տեղափոխությունն անհնարին չէր թվում: Բայց Կատալոնյան ակումբի` Մեսսիի հետ կնքած նոր պայմանագիրը վերջ տվեց նրա հեռանալու հետ կապված և՛ բոլոր հարցերին, և՛ հրապարակումներին: Նոր պայմանագիրը գործելու է մինչև 2021 թվականի հունիսի 31-ը: Արգենտինացին, ըստ նոր պայմանագրի, տարեկան վաստակելու է 30-35 միլիոն եվրո կամ մինչև պայմանագրի ավարտը 120 միլիոն: Մեսսին «թոշակի» կարող է անցնել 34 տարեկան հասակում, չնայած վաղուց պարզ է, որ Լեոն թոշակի չափի մասին մտածելու պատճառ չունի:

Лионель Месси
© AP Photo/ Manu Fernandez
Լիոնել Մեսսի

Լյուքսեմբուրգցին անհաղթահարելի արգելք Նադալի համար

Թենիսի մեծ սաղավարտի Ուիմբլդոնյան մրցաշարն աստիճանաբար մոտենում է վճռական փուլին: Սպասվում էր հերթական «ներկայացումը» վարկանիշային ցուցակը գլխավորող թենիսիստների միջև: Բայց շաբաթն ուրբաթից շուտ եկավ: Շատ լավ մարզավիճակում գտնվող Ռաֆայել Նադալը քառորդ եզրափակիչ դուրս գալ չկարողացավ` հինգ սեթերում պարտվելով լյուքսեմբուրգցի Ժիլ Մյուլլերին: Իսկ ահա Ռոջեր Ֆեդեռերը 15-րդ անգամ կխաղա Ուիմբլդոնյան մրցաշարի քառորդ եզրափակիչում: Ֆեդեռերը շարունակում է հիացնել իր ինտելեկտուալ թենիսով, իսկ Նադալն արդեն ստիպված է մտածել առաջիկա մրցումների մասին:

Рафаэль Надаль
© AFP 2018/ VALERY HACHE
Ռաֆայել Նադալ

Ժնևում առայժմ մեկ հաղթանակ

Շախմատի Գրան Պրի մրցաշարում Լևոն Արոնյանն անցկացրած հինգ պարտիաներից հետո շարունակում է ընթանալ առանց պարտության, բայց միևնույն ժամանակ նաև մեկ հաղթանակով: Հետևաբար հայ գրոսմայստերն առայժմ ունի երեք միավոր ու բաժանում է 2-6-րդ տեղերը ևս երեք շախմատիստների հետ: Հուլիսի 11-ը մրցումներում հանգստյան օր էր հայտարարված: Գուցե հաղթանակները հայ շախմատիստին կուղեկցեն մեկօրյա ընդմիջումից հետո՞: Համենայնդեպս Արոնյանը լավ մարզավիճակում է, և դրա վառ ապացույցն է Norway Chess մրցաշարի հաղթանակը:

Левон Аронян
Tata Steel Chess
Լևոն Արոնյան

Օլիմպիական մայրաքաղաքները կընտրվեն այլ հիմունքներով

Օլիմպիական միջազգային կոմիտեն նոր որոշում է քննարկում, ըստ որի` ամառային և ձմեռային օլիմպիական խաղերի մայրաքաղաքները կընտրվեն պարզապես ըստ հայտերի հերթականության: Նախապես օլիմպիական խաղերն անցկացնելու համար բավականին մեծ մրցակցություն էր ստեղծվում տարբեր երկրների մի քանի քաղաքների միջև: Ահռելի գումարներ էին ծախսվում նախապատրաստական աշխատանքներ կազմակերպելու, անցկացնելու և դրանք ՄՕԿ-ի անդամներին ներկայացնելու համար: Իսկ հիմա ՄՕԿ-ը պարզապես ցանկանում է իրավունք շնորհել այն քաղաքին, որն առաջինը հայտ կներկայացնի` այսպես ասած հերթի դնելով օլիմպիական խաղերի մայրաքաղաքները: 2020 թվականին Տոկիոյում անցկացվելիք ամառային օլիմպիական խաղերից հետո 2024 թվականի համար պայքարում են Փարիզն ու Լոս Անջելեսը: Եթե որոշումը ընդունվի, ապա այս քաղաքները պարզապես կընդունեն օլիմպիական խաղերը 2024 և 2028 թվականներին:

Русская версия

Գլխավոր թեմաներ