ԵՐԵՎԱՆ, 21 օգոստոսի — Sputnik. Հայաստանի հավաքականի կիսապաշտպան Հենրիխ Մխիթարյանը Պրեմիեր լիգայի երկրորդ տուրում «Սուոնսիին» հաղթելուց հետո կոչ է արել թիմակիցներին չոգևորվել և շարունակել խաղալ նույն կերպ: Այս մասին հայտնում է armsport-ը։
«Պետք չէ ոգևորվել, քանի որ ընդամենը երկու հանդիպում ենք անցկացրել: Պրեմիեր լիգայում մեզ 36 խաղ է սպասվում: Ուստի պետք է փորձենք հաղթել ամեն խաղում և վերջում կտեսնենք, թե որտեղ ենք հայտնվում: Ուրախ եմ, որ կարողացա երկու գոլային փոխանցում կատարել, սակայն ավելի շատ վայելում եմ թիմային աշխատանքը, քանի որ ֆուտբոլը թիմային խաղ է»,- Մխիթարյանն ասել է ակումբի հեռուստաալիքի եթերում։
Նա ուրախությամբ է նշել, որ Լուկակուն և Մատիչը խաղում են և հույս է հայտնել, որ Լինդելյոֆը շուտով կմիանա իրենց:
Նշենք, որ Մխիթարյանն անցած երկու խաղում արդեն հասցրել է 4 գոլային փոխանցում կատարել:
