15:47 27 մայիսի 2020
Ուղիղ եթեր
  • USD483.82
  • GBP595.63
  • EUR530.41
  • RUB6.81
Սպորտ
Ստանալ կարճ հղումը
128 0 0

Պեկինի օլիմպիադայից գրեթե 10 տարի անց փոխչեմպիոն հռչակված ծանրորդ Տիգրան Մարտիրոսյանը Sputnik Արմենիային պատմել է, թե ինչ զգացողություններ է ունեցել արծաթե մեդալը ստանալիս։

ԵՐԵՎԱՆ, 14 հոկտեմբերի — Sputnik, Խաչիկ Չախոյան. Օլիմպիական խաղերից գրեթե տասը տարի անց արծաթե մեդալակիր դառնալը թարմացրել օլիմպիական լարվածության զգացողությունը, Sputnik Արմենիայի հետ զրույցում այս մասին պատմել է ծանրորդ Տիգրան Մարտիրոսյանը, որին 2008 թվականի օլիմպիական խաղերի արծաթե մեդալ են շնորհել բելառուս ծանրորդի որակազրկումից հետո:

«Ինձ մի պահ թվաց, թե Պեկինի օլիմպիական խաղերը ոչ թե հեռավոր անցյալում են, այլ երեկ են ավարտվել։ Զգացի այն լարվածությունը, որը կար մրցումների ընթացքում, և այն ուրախությունը, երբ հասկացա, որ մեդալ եմ նվաճել»,- ասաց Մարտիրոսյանը, որը մի քանի օր առաջ է ստացել արծաթե մեդալը:

Ծանրամարտում մեկ անգամ չէ, որ մարզիկները որակազրկվել են դոպինգ օգտագործելու պատճառով: Պեկինի օլիմպիական խաղերում էլ նման դեպքեր գրանցվեցին բազմիցս, մասնավորապես ծանրամարտի մրցումներում: 85կգ քաշային կարգում Հայաստանը ներկայացնող Տիգրան Վարդանի Մարտիրոսյանը երկամարտի 380 կգ արդյունքով երրորդն էր չինացի Լի Յունից ու բելառուս Անդրեյ Ռիբակովից հետո:

«Տարիներ են անցել, բայց օլիմպիական խաղերը մոռանալ հնարավոր չէ»,- նշեց Մարտիրոսյանը:

Ցավոք, որակազրկումներից զերծ չմնաց նաև Հայաստանի հավաքականը: Պեկինի օլիմպիական խաղերում երկարատև ընդմիջումից հետո հայ մարզիկները բրոնզե վեց մեդալներ նվաճեցին: Բայց հիմա արդեն պարզ է, որ այդ թիվը հավասար է հինգի: Ծանրամարտի մրցումներում, բացի Տիգրան Վարդանի Մարտիրոսյանից, բրոնզե մեդալ էին նվաճել նաև Տիգրան Գևորգի Մարտիրոսյանը և Գևորգ Դավթյանը: 69կգ քաշային կարգում Տիգրան Գևորգի Մարտիրոսյանը որակազրկվել է և բրոնզե մեդալը հանձնվելու է կուբացի Յորդանիս Բոռերոյին:

Գլխավոր թեմաներ